ກອງປະຊຸມເຜີຍແຜ່ວຽກງານຕ້ານ ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ

ໃນວັນທີ 13 ມັງກອນ 2019, ທີ່ຫ້ອງປະຊຸມຂອງທະນາຄານແຫ່ງ ສປປ ລາວ ໄດ້ຈັດກອງປະຊຸມເຜີຍແຜ່ວຽກງານຕ້ານ ການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໃຫ້ກະຊວງ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແລະ ສື່ມວນຊົນລາວ, ໂດຍການເປັນປະທານຂອງ ທ່ານ ພຸດທະໄຊ ສີວິໄລ, ຮອງຜູ້ວ່າການ ທະນາຄານແຫ່ງ ສປປ ລາວ ແລະ ທ່ານ ສະຫວັນຄອນ ຣາຊມຸນຕີ, ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ. ເຊິ່ງມີຜູ້ເຂົ້າຮ່ວມ ຕາງໜ້າຈາກຄະນະສະເພາະກິດ ແລະ ພາກສ່ວນກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ, ນັກຂ່າວ ແລະ ສື່ມ່ວນຊົນ.

ກອງປະຊຸມໃນຄັ້ງນີ້ແມ່ນ ເພື່ອແນ່ໃສ່ສ້າງຄວາມຮັບຮູ້ຄວາມເຂົ້າໃຈ, ການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ແຜນການໃນຕໍ່ໜ້າ ແລະ ການກະກຽມໃຫ້ແກ່ການປະເມີນຜົນຮອບດ້ານຂອງ ສປປ ລາວ ໃນປີ 2020-2021. ພ້ອມທັງ ສຸມໃສ່ຈັດຕັ້ງປະຕິບັດວຽກງານດັ່ງກ່າວ ບົນພື້ນຖານເງື່ອນໄຂ 40 ຂໍ້ແນະນໍາຂອງສາກົນ ທີ່ ສປປ ລາວ ເປັນພາຄີ.

 

ນອກຈາກນີ້, ເພື່ອເຜີຍແຜ່ວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໃຫ້ບັນດາພາກສ່ວນກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແລະ ສື່ມວນຊົນ ທີ່ເປັນກະບອກສຽງຂອງພັກ-ລັດ ແລະ ເປັນເວທີສະແດງຄວາມຄິດເຫັນຂອງສັງຄົມ.

ເພື່ອໃຫ້ຜູ້ເຂົ້າຮ່ວມ ນໍາເອົາຄວາມຮູ້ໄດ້ທີ່ແລກປ່ຽນໃນຄັ້ງນີ້ ໄປໝູນໃຊ້ເຂົ້າໃນການປະຕິບັດວຽກງານຂອງຕົນຢ່າງມີປະສິດທິຜົນສູງສຸດ ໂດຍສະເພາະການສ້າງຄວາມຮັບຮູ້-ຄວາມເຂົ້າໃຈວຽກງານຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ ໃຫ້ແກ່ພະນັກງານລັດຖະກອນ, ພະນັກງານເອກະຊົນ ແລະ ພໍ່ແມ່ປະຊາຊົນທົ່ວໄປ ເພື່ອເຮັດແນວໃດໃຫ້ສັງຄົມຮັບຊາບກ່ຽວກັບຄວາມສໍາຄັນວຽກງານດັ່ງກ່າວ.

 

Medialaos

ລັດຖະມົນຕີກະຊວງ ຖວທ ຕ້ອນຮັບເອກອັກຄະລັດຖະທູດ ຣັດເຊຍ ເຂົ້າຢ້ຽມຂ່ຳນັບ

ໃນວັນທີ 21 ພະຈິກ 2019 ທີ່ນະຄອນຫລວງວຽງຈັນ, ທ່ານ ກິແກ້ວ ໄຂຄໍາພິທູນ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານ Vladimir Kalinin ພາຍຫລັງມາດຳລົງຕຳແໜ່ງເປັນເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສະຫະພັນ ຣັດເຊຍ ຄົນໃໝ່ ປະຈຳ ສປປ ລາວ.

ອ່ານເພີ່ມເຕີມ...

ລັດຖະມົນຕີ ກະຊວງ ຖວທ ຕ້ອນຮັບເອກອັກຄະລັດຖະທູດ ສະຫະພາບເອີຣົບ ແລະ ຝຣັ່ງ ປະຈຳ ສປປ ລາວ

ໃນວັນທີ 19 ພະຈິກ 2019 ເວລາ 09:30 ໂມງ ທີ່ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ທ່ານ ສຈ.ປອ ກິແກ້ວ ໄຂຄຳພິທູນ ລັດຖະມົນຕີກະຊວງ ຖວທ ໄດ້ຕ້ອງຮັບການຢ້ຽມຂ່ຳນັບຂອງທ່ານ Leo Faber ເອກອັກຄະລັດຖະທູດ ແຫ່ງ ສະຫະພາບເອີຣົບ ປະຈຳ ສປປ ລາວ ເພື່ອປຶກສາວຽກງານໃນຂົງເຂດການຮ່ວມມືສອງຝ່າຍໃນຂະແໜງການດ້ານວັດທະນະທຳ, ຖະແຫຼງຂ່າວ ແລະ ທ່ອງທ່ຽວເປັນຕົ້ນ.

ອ່ານເພີ່ມເຕີມ...

ມອບ-ຮັບ​ໜ້າ​ທີ່​ ເລ​ຂາ​ຄະ​ນະ​ພັກ ລັດ​ຖະ​ມົນ​ຕີ ​ກະ​ຊວງ​ ຖວ​ທ

ໃນວັນທີ 30 ຕຸລາ 2019 ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ, ໄດ້ມີພິທີມອບ-ຮັບໜ້າທີ່ເລຂາຄະນະພັກ, ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ລະຫວ່າງ ທ່ານ ບໍ່ແສງຄຳ ວົງດາລາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງ ຖວທ ຜູ້ເກົ່າ ແລະ ທ່ານ ກິແກ້ວ ໄຂຄຳພິທູນ ຄະນະເລຂາທິການສູນກາງພັກ, ເລຂາຄະນະພັກ, ວ່າການລັດຖະມົນຕີ ກະຊວງ ຖວທ ຄົນໃໝ່ ໂດຍການໃຫ້ກຽດເຂົ້າຮ່ວມຂອງ ທ່ານ ພັນຄຳ ວິພາວັນ ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ, ມີການນຳຂັ້ນສູງ ພັກ-ລັດ, ຮອງລັດຖະມົນຕີ, ຫົວໜ້າກົມ, ຮອງຫົວໜ້າກົມ, ຫົວໜ້າພະແນກ, ຮອງພະແນກ, ພະນັກງານຫລັກແຫລ່ງ ອ້ອມຂ້າງກະຊວງ ຖວທ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ...

ລາວ-ຫວຽດນາມ ສືບຕໍ່ຮ່ວມມືສ້າງບຸກຄະລາກອນສື່ມວນຊົນລາວ

ຂປລ.ສະຖາບັນສື່ມວນຊົນ ແລະ ໂຄສະນາສະຖາບັນການເມືອງແຫ່ງຊາດ ໂຮ່ຈີມິງ ສສ ຫວຽດນາມ ຮ່ວມກັບ ສະຖາບັນສື່ມວນຊົນວັດທະນະທຳ ແລະ ທ່ອງທ່ຽວ ກະຊວງ ຖະແຫລງຂາວວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ຈັດຝຶກອົບຮົມກ່ຽວກັບການຄຸ້ມຄອງສື່ມວນຊົນ ຊຸດທຳອິດ ຢູ່ ສສ ຫວຽດນາມ ແຕ່ວັນທີ 14 ຕຸລາ ຫາ 13 ທັນວາ 2019,

ອ່ານເພີ່ມເຕີມ...

ລັດຖະມົນຕີ ກະຊວງ ຖວທ ຕ້ອນຮັບ ຄະນະກໍາມາທິການທ່ອງທ່ຽວເຢຍລະມັນ

ຂປລ. ໃນວັນທີ 7 ຕຸລາ 2019 ທີ່ນະຄອນຫລວງວຽງຈັນ, ທ່ານ ບໍ່ແສງຄໍາ ວົງດາລາ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ໃຫ້ກຽດຕ້ອນຮັບ ທ່ານ Dr Klaus-Peter Schulze ຄະນະກໍາມາທິການທ່ອງທ່ຽວ, ລັດຖະສະພາເຢຍລະມັນ ພ້ອມດ້ວຍຄະນະ ເນື່ອງໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ. 

ອ່ານເພີ່ມເຕີມ...

ກົມກວດກາ ກະຊວງ ຖວທ ໄດ້ເປີດຊຸດອົມຮົມວຽກງານກວດກາ

ຊຸດອົບຮົມໄດ້ຈັດຂຶ້ນທີ່ ແຂວງບໍລິຄຳໄຊ ໃນລະຫວ່າງວັນທີ 10-12/9/2019 ໂດຍເປັນປະທານ ຂອງທ່ານ ນາງ ສຸພະລັກ ທິລະວົງ ຄະນະປະຈຳພັກ ປະທານກວດກາ ຫົວໜ້າກົມກວດກາ ກະຊວງ ຖວທ, ມີທ່ານ ສົມສີ ວິໄລຜົນ ຮອງພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງບໍລິຄຳໄຊ ກໍ່ໄດ້ເປັນກຽດເຂົ້າຮ່ວມ, ມີບັນດາຫົວໜ້າຂະແໜງ ແລະ ພະນັກງານວິຊາການ ຂະແໜງກວດກາ ກໍ່ໄດ້ເຂົ້າຮ່ວມຈຳນວນທັງໝົດ 58 ທ່ານ ຍິງ 24 ທ່ານ.
ຈຸດປະສົງໃນການຝຶກອົບຮົມໃນຄັ້ງນີ້ແມ່ນເພື່ອສ້າງຄວາມເຂັ້ມແຂງໃຫ້ພະນັກງານທີ່ເຮັດວຽກຢູ່ໃນຂະແໜງກວດກາ ມີຄວາມຮັບຮູ້ ແລະ ເຂົ້າໃຈກ່ຽວກັບການເຮັດວຽກງານກວດກາພ້ອມທັງໄດ້ມີການແລກປ່ຽນບົດຮຽນປະສົບການ ແລະ ຄວາມຄິດຄວາມເຫັນໃນການເຄື່ອນໄຫວກວດກາຂອງແຕ່ລະທ້ອງຖິ່ນນຳກັນເພື່ອເອົາໄປໝູນໃຊ້ເຂົ້າໃນວຽກງານຕົວຈິງ.
ບົດຮຽນທີ່ນຳມາຝຶກໃນຄັ້ງນີ້ມີ:
1. ວຽກງານການເຄື່ອນໄຫວກວດກາລັດ, ການເຄື່ອນໄຫວຕິດຕາມການແກ້ໄຂຜົນຂອງກວດກາການລົງທຶນຂອງລັດແຕ່ຫົວທີ.
2. ວຽກງານຄົ້ນຄ້ວາແກ້ໄຂ ຄຳຮ້ອງ ແລະ ຄຳສະເໜີຂອງພົນລະເມືອງ.
3. ວຽກງານການບໍລິຫານ.
4. ການຂຽນບົດສະເໜີໂຄງການ ກ່ຽວກັບການຕິດຕາມກວດກາການລົງທຶນຂອງລັດ.
ຕອນທ້າຍຂອງກອງປະຊຸມໄດ້ຮັບຟັງການໂອ້ລົມຂອງທ່ານ ນາງ ສຸພະລັກ ທິລະວົງ ທ່ານເນັ້ນໜັກໃຫ້ຜູ້ເຮັດວຽກງານກວດກາຕ້ອງມີຄວາມກ້າຫານ ເປັນແບບຢ່າງສິ່ງສຳຄັນ ຕ້ອງສຶກສາກຳໃຫ້ໄດ້ລະບຽບກົດໝາຍ ແລະ ບັນດານິຕິກຳທີ່ພົວພັນກັບວຽກງານຂົງເຂດຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແລະ ກົດໝາຍອື່ນໆທີ່ກ່ຽວຂ້ອງເພື່ອເປັນບ່ອນອີງໃນການເຮັດວຽກງານກວດກາ.
ຊຸດອົບຮົມໄດ້ປິດລົງດ້ວຍການມອບໃບຢັ້ງຢືນໃຫ້ຜູ້ເຂົ້າຮ່ວມຝຶກອົບຮົມໄວ້ເພື່ອເປັນຫຼັກຖານ.

ສື່ມວນຊົນລາວ ສຸມໃສ່ລາຍງານສະພາບການໄພພິບັດນ້ຳຖ້ວມ ຢ່າງຕໍ່ເນື່ອງ

ຂປລ. ໃນໄລຍະເກີດໄພພິບັດນ້ຳຖ້ວມ ຢູ່ບັນດາແຂວງພາກກາງ ແລະ ພາກໃຕ້ຂອງປະເທດລາວ ສື່ມວນຊົນລາວ ໄດ້ເປັນເຈົ້າການໃນການປະຕິບັດໜ້າທີ່ ຕາມພາລະບົດບາດ ແລະ ຈັນຍາບັນຂອງຕົນດ້ວຍຄວາມຮັບຜິດຊອບສູງ ໃນການນຳສະເໜີຂໍ້ມູນຂ່າວສານ, ສະພາບການ ແລະ ບັນຫາຕ່າງໆ ທີ່ເກີດຂຶ້ນໃຫ້ຖືກຕ້ອງຕາມຄວາມເປັນຈິງ ໃຫ້ທົ່ວສັງຄົມໄດ້ຮັບຮູ້ ແລະ ເຂົ້າໃຈ.

ອ່ານເພີ່ມເຕີມ...