ສາທາ ເລັ່ງສຸມໃສຕິດຕາມ ແລະ ປ້ອງກັນ ພະຍາດອັກເສບປອດສານພັນໃໝ່ ທຸກດ່ານສາກົນ

ພາບປະກອບ

ປັດຈຸບັບນີ້ ເກີດການລະບາດພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ Novol Corona Virui-nCOV ໄດ້ມີການລະບາດຢ່າງຮຸນແຮງທີ່ເມືອງອູຮັ່ນ ແຂວງຫູເປີ່ຍ ສປ ຈີນ ເພື່ອປ້ອງກັນເຂດຊາຍແດນຕິດກັບ ສປ ຈີນ ບໍ່ໄດ້ມີຄວາມສ່ຽງຕໍ່ພະຍາດດັ່ງກ່າວເຂົ້າມາລາວ, ກະຊວງສາທາລະນະສຸກ ເລັ່ງສຸມໃສຕິດຕາມ ແລະ ປ້ອງກັນ ພ້ອມທັງເນັ້ນໃຫ້ທຸກໆດ່ານສາກົນ ແລະ ທຸກໆດ່ານສະໜາມບິນສາກົນຂອງ ສປປ ລາວ ເປັນຕົ້ນແມ່ນ ສະໜາມບິນຫສາກົນຫຼວງພະບາງ ແລະ ສະໜາມບິນສາກົນວັດໄຕ ທີ່ມີສາຍການບິນໂດຍກົງຈາກ ສປ ຈີນ ໃຫ້ຕິດຕາມເຝົ້າລະວັງ ແລະ ຕອບໂຕ້ຢ່າງໃກ້ຊິດ.

ພາບປະກອບ

ເນື່ອງຈາກວ່າ ສປປ ລາວ ມີຊາຍແດນຕິດກັບປະເທດໃກ້ຄຽງ ແລະ ມີສາຍການບິນໂດຍກົງຈາກ ສປ ຈີນ ອາດມີຄວາມສ່ຽງຕໍ່ພະຍາດອັກເສບສາຍພັນໃໝ່ ກະຊວງສາທາລະນະສຸກ ໄດ້ອອກແຈ້ງການ ໃນການປ້ອງກັນໃຫ້ກັບບັນດາດ່ານສາກົນ ເນັ້ນໜັກໃຫ້ສະໜາມບິນສາກົນຫຼວງພະບາງ ແລະ ສະໜາມສາກົນວັດໄຕ.

 

ພາບປະກອບ

ຊຶ່ງຈະມີທີມແພດຕອບໂຕ້ໂດຍກົງປະຈຳຢູ່ດ່ານ ເພາະບາງກໍລະນີແມ່ນບໍ່ສະແດງອາການ ລວມທັງການແຈ້ງເຕືອນທຸກແຂວງທົ່ວປະເທດ ສົມທົບກັບທີມລະບາດສືບສວນ ແລະ ຕອບໂຕ້ໄວ້ໃຫ້ເຝົ້າລະວັງຢ່າງໃກ້ຊິດ ໂດຍມີວິທີປ້ອງກັນ ຄືຫຼີກເວັ້ນການເດີນທາງໄປເຂດທີ່ມີການລະບາດ ຫຼື ຊຸມຊົນແອອັດຖ້າບໍ່ຈຳເປັນ, ຫຼີກເວັ້ນການສຳພັດ ຫຼື ໃກ້ຊິດກັບຄົນທີ່ມີອາການຄ້າຍຄືເປັນໄຂ້ຫວັດ ເຊັ່ນ: ໄຂ້, ໄອ, ເຈັບຄໍ ແລະ ຫາຍໃຈຍາກ ຖ້າມີອາການສົງໄສໃຫ້ໄປພົບແພດທີ່ຢູ່ໃກ້, ຫຼີກເວັ້ນການສຳພັດວັດເປັນ ຫຼື ຕາຍ, ໃຫ້ປະຕິບັດເວລາ ໄອ ຫຼື ຈາມ ດ້ວຍການອັດປາກ ແລະ ດັງ ຫຼື ໃສ່ຜ້າອັດປາກ ຫານມີອາການສົງໄສໃຫ້ໄປພົບແພດດ່ວນ ຫຼື ກະລຸນາໂທ 020 5406 6777 ຫຼື ສາຍດ່ວນ 166 ໃນໂມລັດຖະການ ຕະຫຼອດ 24 ຊົ່ມໂມງ.

Medialaos

ກຽມພ້ອມກຳລັງເກືອບ 2 ພັນສະຫາຍ ປ້ອງກັນງານມະຫາກຳກິລາແຫ່ງຊາດ

(ພາບປະກອບ)

ປກສ ແຂວງຊຽງຂວາງ ວາງກຳລັງປ້ອງກັນເກືອບ 2 ພັນສະຫາຍ ທັງໝົດ 81 ຈຸດ ເພື່ອເຮັດໃຫ້ແຂວງຊຽງຂວາງມີຄວາມສະຫງົບ, ມີຄວາມເປັນລະບຽບຮຽບຮ້ອຍ ແລະ ມີຄວາມປອດໄພ 100% ໃນໄລຍະງານມະກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງເປັນເຈົ້າພາບ ລະຫວ່າງວັນທີ 22 ມີນາ ຫາ 1 ເມສາ 2020.

(ພາບປະກອບ)

ສຳລັບການກຽມຄວາມພ້ອມປ້ອງກັນງານມະຫາກຳກິລາແຫ່ງຊາດ ຄັ້ງທີ XI , ງານສະເຫຼີມສະຫຼອງວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 65 ປີ ແລະ ງານສະເຫຼີມສະຫຼອງທົ່ງໄຫຫີນ ເຂົ້າເປັນມໍລະດົກໂລກ, ກອງບັນຊາການ ປກສ ແຂວງຊຽງຂວາງ ໄດ້ເອົາໃຈໃສ່ປະສານສົມທົບກັບກະຊວງປ້ອງກັນຄວາມສະຫງົບ ຈັດກອງປະຊຸມຄົ້ນຄວ້າ, ປຶກສາຫາລື ແລະ ຂໍທິດຊີ້ນຳໃນການປັບປຸງແຜນປ້ອງກັນໃສ່ແຕ່ລະຈຸດສະຖານທີ່ແຂ່ງຂັນກິລາ, ງານສະເຫຼີມສະຫຼອງວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 65 ປີ ແລະ ງານສະເຫຼີມສະຫຼອງທົ່ງໄຫຫີນ ເຂົ້າເປັນມໍລະດົກໂລກ ໃຫ້ຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍປອດໄພ. ຊຶ່ງພວກເຮົາໄດ້ສຸມໃສ່ບັນດາໜ໊າວຽກຕ່າງໆ ເປັນຕົ້ນ: ແມ່ນການປັບປຸງແຜນບັນຈຸກຳລັງປ້ອງກັນ, ຈັດວາງກຳລັງ ຊຶ່ງມີຈຸດປ້ອງກັນທັງໝົດ 81 ຈຸດ, ໃຊ້ກຳລັງປ້ອງກັນ ຈຳນວນ 1,922 ສະຫາຍ ໃນນີ້ ກຳລັງ ປກສ ແຂວງຊຽງຂວາງ ມີຈຳນວນ 905 ສະຫາຍ ແລະ ກຳລັງຈາກກະຊວງ ປກສ ຈຳນວນ 917 ໂດຍຈັດເຂົ້າແຜນປ້ອງຕົວຈິງ 1,764 ສະຫາຍ.

 

ພ້ອມກັນນີ້, ກອງບັນຊາການ ປກສ ຍັງໄດ້ຊີ້ນຳ ປກສ 7 ເມືອງ ສ້າງແຜນປ້ອງກັນສະເພາະຂອງຕົນ ເພື່ອລົງປ້ອງກັນແຕ່ລະຈຸດສະຖານທີ່ທ່ອງທ່ຽວ, ບັນດາຈຸດຫຼໍ່ແຫຼມ, ເສັ້ນທາງສາມແຍກ, ສີ່ແຍກ ແລະ ປະຈຳການກຽມພ້ອມແກ້ໄຂເຫດການສຸກເສີນຕະຫຼອດ 24 ຊົ່ວໂມງ ແລະ ໄດ້ກຳນົດລະບອບສ່ອງແສງລາຍງານປະຈຳວັນ ແລະ ປະຈຳອາທິດຕາມສາຍຕັ້ງ-ສາຍຂວາງ ເພື່ອຂໍທິດຊີ້ນຳຈາກຂັ້ນເທິງ, ໄດ້ອອກແຈ້ງການເຖິງບັນດາພະແນກການ, ສຳນັກອ້ອມຂ້າງແຂວງ, ເມືອງ ແລະ ກຸ່ມບ້ານ ໃຫ້ພ້ອມກັນເອົາໃຈໃສ່ເຮັດໃຫ້ວຽກງານປ້ອງກັນສະກັດກັ້ນຕາມຂອບເຂດຄວາມຄວາມຮັບຜິດຊອບຂອງຕົນ ເພື່ອຮັບປະກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງສັງຄົມ.

Medialaos

ພິທີແຂ່ງຂັນກິລາເປຕັງ ຊິງລາງວັນຮູບແຕ້ມ ສະຖາບັນວິຈິດສິນແຫ່ງຊາດ ຄັ້ງທີ V

ພິທີເປີດ-ປິດການແຂ່ງຂັນກິລາເປຕັງ ລາງວັນຮູບແຕ້ມຫົວໜ້າສະຖາບັນວິຈິດສິນແຫ່ງຊາດ ຄັ້ງທີ V ປະຈຳສົກສຶກສາ 2019-2020 ໃນວັນທີ 24/01/2020, ໂດຍການເປັນ ປະທານ ປອ ໄມສິງ ຈັນບຸດດີ ເພື່ອຂ່ຳນັບຮັບຕ້ອນກອງປະຊຸມໃຫຍ່ໜ່ວຍພັກກົມວິຈິດສີນແຫ່ງຊາດ ແລະ ກອງປະຊຸມໃຫຍ່ຜູ້ແທນຊາວໝຸ່ມທົ່ວກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຄັ້ງທີ VIII ຢ່າງສຸດໃຈ.

Medialaos

ພິທີແຂ່ງຂັນກິລາເປຕັງ ຊິງລາງວັນຮູບແຕ້ມ ສະຖາບັນວິຈິດສິນແຫ່ງຊາດ ຄັ້ງທີ V

ພິທີເປີດ-ປິດການແຂ່ງຂັນກິລາເປຕັງ ລາງວັນຮູບແຕ້ມຫົວໜ້າສະຖາບັນວິຈິດສິນແຫ່ງຊາດ ຄັ້ງທີ V ປະຈຳສົກສຶກສາ 2019-2020 ໃນວັນທີ 24/01/2020, ໂດຍການເປັນ ປະທານ ປອ ໄມສິງ ຈັນບຸດດີ ເພື່ອຂ່ຳນັບຮັບຕ້ອນກອງປະຊຸມໃຫຍ່ໜ່ວຍພັກກົມວິຈິດສີນແຫ່ງຊາດ ແລະ ກອງປະຊຸມໃຫຍ່ຜູ້ແທນຊາວໝຸ່ມທົ່ວກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຄັ້ງທີ VIII ຢ່າງສຸດໃຈ.

Medialaos

ທ່ານນາຍົກ ຊີ້ນຳໃຫ້ສະຖາບັນກຳນົດຫົວຂໍ້ ຄົ້ນຄວ້າຢ່າງມີຈຸດສຸມ

ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ສະເໜີໃຫ້ສະຖາບັນຄົ້ນຄວ້າເສດຖະ ກິດແຫ່ງຊາດກຳນົດຫົວຂໍ້ຄົ້ນ ຄວ້າຕາມຄວາມສາມາດຂອງສະຖາບັນແຕ່ຕ້ອງໃຫ້ແທດເໝາະກັບສະພາບ  ແລະ  ຄວາມຕ້ອງການຂອງປະເທດເຮົາ.

ວັນທີ 21 ມັງກອນນີ້ ທີ່ສະຖາບັນຄົ້ນຄວ້າເສດຖະກິດແຫ່ງຊາດ, ທ່ານ  ທອງລຸນ ສີສຸລິດ ນາຍົກລັດຖະມົນຕີໄດ້ໂອ້ລົມຕໍ່ການນຳ ແລະ ພະນັກງານ, ນັກວິທະຍາສາດ, ນັກຄົ້ນຄວ້າ ຂອງສະຖາບັນຄົ້ນຄວ້າເສດຖະ ກິດແຫ່ງຊາດ ຊຶ່ງກ່ອນອື່ນທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນງານຂອງສະຖາບັນຄົ້ນຄວ້າເສດຖະກິດແຫ່ງຊາດຍາດມາໄດ້  ໃນໄລຍະຜ່ານມາ ຊຶ່ງມີຫຼາຍຫົວຂໍ້ທີ່ເປັນປະ ໂຫຍດຕໍ່ການວາງແຜນພັດທະ ນາຂອງລັດຖະບານ,  ທ່ານນາ ຍົກລັດຖະມົນຕີຍັງສະເໜີວ່າ: ການຄົ້ນຄວ້າ ຢ່າລໍຖ້າໃຫ້ລັດ ຖະບານສັ່ງ ຫຼື ມອບຫົວຂໍ້ໃຫ້, ຖ້າລັດຖະບານມອບຫົວຂໍ້ໃຫ້ຖືວ່າ ບັນຫານັ້ນໆມີຄວາມໝາຍ ແລະ ຄວາມສຳຄັນທີ່ສຸດ, ແຕ່ສະຖາບັນຕ້ອງກຳນົດຫົວຂໍ້ດ້ວຍ ຕົນເອງຕາມຄວາມສາມາດຕົວ ຈິງຂອງສະຖາບັນ ແຕ່ຕ້ອງມີຈຸດສຸມ, ຢາກມີຈຸດສຸມຕ້ອງມີສະພາໃດໜຶ່ງມາວິເຄາະວິໄຈຫົວຂໍ້ນັ້ນໆວ່າ ຄວນຈັດບຸລິມະສິດແນວໃດ.

ສິ່ງສຳຄັນບັນຫາທີ່ຍົກຂຶ້ນມາຄົ້ນຄວ້າວິໄຈ ນັ້ນຕ້ອງເປັນບັນຫາທີ່ພວກເຮົາກຳລັງປະສົບພົບພໍ້ຢູ່ ເປັນຕົ້ນບັນຫາການຮົ່ວໄຫຼຂອງການເກັບລາຍຮັບ, ການຄຸ້ມຄອງລາຍຈ່າຍ, ການລະ ເມີດວິໄນແຜນການ-ການເງິນ ແລະ ບັນຫາອື່ນໆອີກທີ່ພວກເຮົາກຳລັງປະເຊີນຢູ່ໃນປັດຈຸບັນ.

ນອກຈາກນີ້ ທ່ານນາຍົກ ຍັງສະເໜີໃຫ້ສະຖາບັນຄົ້ນຄວ້າກ່ຽວກັບການກຳນົດທ່າແຮງຕົ້ນຕໍ ໃນການພັດທະນາປະເທດ ຊຶ່ງພວກເຮົາຈະເນັ້ນໃສ່ອຸດສາຫະກຳປະເພດໃດເປັນຫຼັກ, ອາດຈະກຳນົດອຸດ ສາຫະກຳປຸງແຕ່ງກະສິກຳບໍ?,  ອຸດສາຫະກຳບໍ່ແຮ່ບໍ ?  ຫຼື  ອຸດສາຫະກໍາຜະລິດຊິ້ນສ່ວນຕ່າງໆ ເພື່ອສົ່ງອອກ ຫຼື ຈະກໍານົດເອົາອຸດສາຫະກຳປະເພດໃດ ເພື່ອເປັນທ່າແຮງໃນການພັດທະນາປະເທດຊາດ.

ໃນໂອກາດດັ່ງກ່າວ, ທ່ານ ລີເບີ ລີບົວປາວ ຮັກສາການຫົວໜ້າສະຖາບັນຄົ້ນຄວ້າເສດຖະກິດແຫ່ງຊາດລາຍງານວ່າ: ນັບແຕ່ສ້າງຕັ້ງສະຖາບັນຄົ້ນຄວ້າເສດຖະກິດແຫ່ງຊາດ ໃນປີ 2016 ລັດຖະບານໄດ້ມອບໝາຍໃຫ້ສະຖາບັນຄົ້ນຄວ້າ ຫຼາຍຫົວຂໍ້ ເປັນຕົ້ນແມ່ນການແກ້ໄຂຄວາມຫຍຸ້ງຍາກດ້ານເສດຖະກິດ, ການເງິນ, ເງິນຕາຂອງປະເທດ, ການປັບໂຄງສ້າງລາຄານ້ຳມັນເຊື້ອໄຟ, ໂຄງສ້າງລາຄາໄຟຟ້າ, ການແກ້ໄຂໜີ້ສິນຂອງບໍລິສັດຈຳນວນໜຶ່ງ ແລະ ໄດ້ສະເໜີຕໍ່ກອງປະຊຸມລັດຖະບານພິຈາລະນາ.

ສິ່ງທີ່ພົ້ນເດັ່ນ ປີ 2018 ລັດຖະບານໄດ້ມອບໃຫ້ສະຖາບັນຄົ້ນຄວ້າຫຼາຍຫົວຂໍ້ ຊຶ່ງມາຮອດປັດຈຸບັນໄດ້ສຳເລັດຫົວຂໍ້ຈຳນວນໜຶ່ງ ແລະ ໄດ້ລາຍງານລັດຖະບານແລ້ວ 3 ຫົວຂໍ້, ຄົ້ນຄວ້າສຳເລັດໂດຍພື້ນຖານ ແຕ່ຍັງບໍ່ທັນໄດ້ລາຍງານລັດຖະບານມີ 3 ຫົວຂໍ້ ແລະ ກຳລັງຈັດຕັ້ງປະຕິບັດ 4 ຫົວຂໍ້, ນອກຈາກນີ້ຍັງໄດ້ຄົ້ນຄວ້າຮ່ວມກັບກະຊວງອື່ນໆ ຕາມການມອບໝາຍຂອງລັດຖະບານ ແລະ ຫົວຂໍ້ທີ່ສະຖາບັນກຳນົດຂຶ້ນມາເອງອີກຫຼາຍຫົວຂໍ້.

ທ່ານ ລີເບີ ລີບົວປາວ ກ່າວອີກວ່າ: ຜ່ານການຄົ້ນຄວ້າພົບຂໍ້ຫຍຸ້ງຍາກ ແລະ ສິ່ງທ້າທາຍບາງປະການ ເປັນຕົ້ນ ແມ່ນການສະໜອງຂໍ້ມູນຕົວຈິງ ຈາກຂະແໜງການກ່ຽວຂ້ອງພົບຄວາມຫຍຸ້ງຍາກ, ບາງຂະແໜງການບໍ່ໄດ້ຂໍ້ມູນຕົວຈິງ, ເວລາດຳເນີນການຄົ້ນຄວ້າເຖິງຂໍ້ຄົງຄ້າງບັນຫາທີ່ຕັ້ງຂຶ້ນ ແລະ ມີຂໍ້ສະເໜີແນະທາງດ້ານ ນະໂຍບາຍບາງຄັ້ງກະທົບເຖິງການດຳເນີນງານ ແລະ ແຜນຂອງຂະແໜງການ, ເຮັດໃຫ້ບາງຂະແໜງການບໍ່ຢາກສະໜັບສະໜູນຕໍ່ຜົນການຄົ້ນຄວ້າ ແລະ ຕໍ່ນັກຄົ້ນຄວ້າ ໃນຂະນະທີ່ຂໍ້ມູນສະຖິຕິທີ່ຖືກຕ້ອງ ແລະ ຊັດເຈນນັ້ນຍັງມີຈຳກັດ, ຈຳເປັນຕ້ອງສຳຫຼວດຂໍ້ມູນດິບເພີ່ມຕື່ມ, ນອກຈາກນີ້ງົບປະມານໃຊ້ຈ່າຍເຂົ້າໃນການຄົ້ນຄວ້າມີຈຳກັດ.

Medialaos

ມອບທຸງໄຊນຳໜ້າຂະບວນການແຂ່ງຂັນ 4 ບຸກໃຫ້ຊາວໜຸ່ມກະຊວງ ຖວທ

ພິທີມອບ-ຮັບທຸງໄຊນຳໜ້າຂະບວນການແຂ່ງຂັນ 4 ບຸກໃຫ້ຄະນະຊາວໜຸ່ມ ປະຊາຊົນ ປະຕິວັດລາວ ກະຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ (ຖວທ) ໄດ້ຈັດຂຶ້ນເມື່ອວັນທີ 22 ມັງກອນນີ້ ທີ່ຫໍວັດທະນະທຳແຫ່ງຊາດ ໂດຍໃຫ້ກຽດເຂົ້າຮ່ວມຂອງ ທ່ານ ບົວເງິນ ຊາພູວົງ ຮອງລັດຖະມົນຕີກະຊວງ ຖວທ, ທ່ານ ບຸນຕາ ເທບພະວົງ ຮອງເລຂາຄະນະ ບໍລິຫານງານຊາວໜຸ່ມປະຊາຊົນປະ ຕິວັດລາວ, ມີຄະນະບໍ ລິຫານງາມຊາວໜຸ່ມກະຊວງ, ບັນດາຄະນະຊາວໜຸ່ມອ້ອມຂ້າງກະຊວງເຂົ້າຮ່ວມ.

ທ່ານ ວຽງພອນ ສຸກຂະວົງ ຮອງເລຂາຄະນະບໍລິຫານງານຊາວໜຸ່ມກະຊວງ ຖວທໄດ້ ຜ່ານບົດສະຫຼຸບການຈັດຕັ້ງຂໍ້ແຂ່ງຂັນ 4 ບຸກປະຈຳປີ 2016 ຫາ 2019 ແລະ ທິດທາງແຜນການປີ 2020 ໂດຍຍົກໃຫ້ເຫັນວ່າ: ບຸກດ້ານແນວຄິດໃນໄລຍະທີ່ຜ່ານມາ ຄະນະບໍລຫານງານຊາວໜຸ່ມປະຊາຊົນ ປະຕິວັດລາວ ກະຊວງ ຖວທ ໄດ້ຢຶດຖືເອົາການນຳພາວຽກງານສຶກສາອົບຮົມການເມືອງ-ແນວຄິດເປັນກົກ ໃຫ້ແກ່ຊາວໜຸ່ມ-ໄວໜຸ່ມຂອງຕົນດ້ວຍການສ້າງໂອກາດ, ຊຸກຍູ້-ສົ່ງເສີມ ແລະ ຈັດຕັ້ງນຳພາ, ບຸກດ້ານການຝຶກຝົນຫຼໍ່ ຫຼອມຮໍ່າຮຽນ ຊາວໜຸ່ມໄດ້ຍົກລະດັບວິຊາສະເພາະໃນຊັ້ນຕ່າງໆລວມ 195 ສະຫາຍ, ຍິງ 67 ສະຫາຍ,

ໃນນັ້ນ ຂັ້ນປະລິນຍາເອກ 2 ສະຫາຍ, ໂທ 99 ສະຫາຍ, ຕີ 92 ສະຫາຍ ແລະຊັ້ນສູງ 1 ສະຫາຍ, ຮຽນທິດສະດີການເມືອງ-ການປົກ ຄອງທັງພາຍໃນ ແລະ ຕ່າງປະເທດ 34 ສະຫາຍ, ຍິງ 10 ສະຫາຍ, ບຸກດ້ານການປັບປຸງ-ກໍ່ສ້າງການຈັດຕັ້ງ ຊຶ່ງພາຍຫຼັງສຳເລັດກອງປະຊຸມໃຫຍ່ຜູ້ແທນຊາວໜຸ່ມກະຊວງ ຖວທ ຄັ້ງທີ VII ໃນຕົ້ນປີ 2015 ຄະນະບໍລິຫານງານຊາວໜຸ່ມກະຊວງໄດ້ມີການປະຊຸມຄົ້ນຄ້ວາ ແລະ ຕົກລົງແບ່ງຄວາມຮັບຜິດຊອບວຽກງານແຕ່ລະດ້ານຢ່າງລະອຽດຈະແຈ້ງ ໄດ້ປັບປຸງແບບແຜນວິທີເຮັດວຽກ, ປັບ ປຸງການຈັດຕັ້ງຂອງຊາວໜຸ່ມຢ່າງຖືກຕ້ອງຕາມລະບຽບຫຼັກການ ແລະ ສອດຄ່ອງກັບສະພາບຈຸດພິເສດຂອງກະຊວງ, ບຸກດ້ານວິ ຊາຊີບ-ສ້າງວຽກເຮັດງານທຳໂດຍອີງໃສ່ສະພາບຈຸດພິເສດຂອງກະຊວງປະກອບມີ 4 ຂົງເຂດໃຫຍ່ຄື: ຂົງເຂດເສນາທິການ, ຂົງ ເຂດຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ເອົາໃຈໃສ່ຢ່າງຕັ້ງໜ້າເຮັດສຳເລັດໜ້າທີ່ ແລະ ຄວາມຮັບ ຜິດຊອບຂອງຕົນ ສາມາດມີຜົນງານເດັ່ນຄື: ຊາວໜຸ່ມໃນຂົງເຂດເສນາທິການມີທັງໝົດ 113 ສະຫາຍ, ຊາວໜຸ່ມໃນຂົງເຂດສື່ມວນຊົນ ມີທັງ ໝົດ 397 ສະຫາຍ, ຊາວໜຸ່ມໃນຂົງເຂດວັດທະນະທຳມີທັງໝົດ 774 ສະຫາຍ ແລະ ຊາວໜຸ່ມຂົງເຂດທ່ອງທ່ຽວ ມີທັງໝົດ 95 ສະ ຫາຍ, ປັດຈຸບັນ ຄະນະບໍລິຫານງານຊາວໜຸ່ມກະຊວງ ຖວທ ມີ 17 ສະຫາຍ, ຍິງ 5 ສະຫາຍ, ມີ 2 ຮາກຖານ, 44 ໜ່ວຍຊາວໜຸ່ມຮາກຖານ ມີສະມາຊິກທັງໝົດ 1.349 ສະຫາຍ, ຍິງ 622 ສະຫາຍ.

ໃນໂອກາດດັ່ງກ່າວ ທ່ານ ບຸນຕາ ເທບພະວົງ ໄດ້ໃຫ້ກຽດຂຶ້ນມອບທຸງໄຊນຳໜ້າຂະບວນການແຂ່ງຂັນ 4 ບຸກ ໃຫ້ແກ່ຄະນະຊາວ ໜຸ່ມ ປະຊາຊົນປະຕິວັດ ລາວ ກະຊວງ ຖວທ ອີກດ້ວຍ. 

Medialaos

ຄຄອຊ ມີຜົນສຳເລັດຫຼາຍດ້ານ ພ້ອມວາງແຜນ ຄຸ້ມຄອງການຄ້າຂາຍອອນລາຍ

ຄະນະກຳມະການຄຸ້ມຄອງອິນເຕີເນັດແຫ່ງຊາດ (ຄຄອຊ) ໄດ້ຈັດກອງປະຊຸມສະ ຫຼຸບວຽກງານການເຄື່ອນໄຫວປະຈຳປີ 2019 ແລະ ວາງທິດທາງປະຈໍາປີ 2020 ຂຶ້ນໃນວັນທີ 21 ມັງກອນນີ້ ທີ່ຫ້ອງປະຊຸມ ກະຊວງແຜນການ ແລະ ການລົງທຶນ ໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີລັດຖະມົນຕີກະຊວງແຜນການ ແລະ ການລົງທຶນ ປະທານຄະນະກຳມະການຄຸ້ມ ຄອງອິນເຕີເນັດແຫ່ງຊາດ, ມີພາກສ່ວນກ່ຽວຂ້ອງເຂົ້າຮ່ວມ.

    ໃນ 1 ປີຜ່ານມາ, ຄຄອຊ ໄດ້ມີຜົນສຳເລັດຫຼາຍດ້ານ ເປັນຕົ້ນແມ່ນສຳເລັດການສ້າງດຳລັດ ວ່າດ້ວຍລະບົບສາຍສົ່ງໂທລະຄົມມະນາ ຄົມ, ການເຜີຍແຜ່ກົດໝາຍ ວ່າດ້ວຍລາຍເຊັນເອເລັກໂຕຣນິກ, ການກະກຽມສ້າງແຜນຍຸດທະສາດການຫັນເປັນດີຈີຕອນ,  ການສ້າງເສດຖະກິດດີຈີຕອນ ແລະ ການກຽມຄວາມພ້ອມເພື່ອກ້າວເຂົ້າສູ່ຍຸກອຸດສາຫະກໍາ 4.0. ນອກຈາກນີ້ກໍຍັງມີວຽກງານການເຜີຍ ແຜ່ຕອບຕ້ານ ແລະ ຕິດຕາມກວດກາບັນຫາຫາງສຽງທີ່ບໍ່ດີໃນສັງຄົມ ໂດຍສະເພາະແມ່ນຜ່ານຊ່ອງທາງສື່ສັງຄົມອອນລາຍ ພ້ອມນັ້ນ ກໍໄດ້ມີການລົງໂຄສະນາເຜີຍແຜ່ຜົນດີຜົນຮ້າຍຂອງການນຳໃຊ້ສື່ສັງຄົມອອນລາຍຢູ່ໂຮງຮຽນມັດທະຍົມ, ມະຫາວິ ທະຍາໄລຕ່າງໆ, ໂຄສະນາຜ່ານສື່  ແລະ ເວັບໄຊທາງການຂອງບາງຂະແໜງການ.

    ຄຄອຊ ໄດ້ປັບປຸງຊ່ອງທາງການປະສານງານເຮັດວຽກພາຍໃນ  ໂດຍໄດ້ປັບປຸງຄືນການເຂົ້າເຖິງການນຳໃຊ້ ລະບົບອີເມວທີ່ຕິດຕັ້ງຢູ່ພາຍໃນປະເທດ ເພື່ອນຳສົ່ງ/ແລກປ່ຽນເອກະສານຕ່າງໆທາງເອເລັກໂຕຣນິກ ແລະ ຮັບປະກັນຄວາມປອດໄພໃຫ້ຫຼາຍຂຶ້ນ.

     ສຳລັບທິດທາງແຜນການໃນຕໍ່ໜ້າ,  ຄຄອຊ ໄດ້ມອບໃຫ້ກະຊວງ ປທສ ເປັນເຈົ້າການປະສານກັບທຸກພາກສ່ວນ  ໃນການສ້າງແຜນຍຸດທະສາດ, ແຜນແມ່ບົດ ໃນການຫັນເປັນທັນສະໄໝທາງດ້ານດີຈີຕອນ ໃນ ສປປ ລາວ. ພ້ອມດຽວກັນນັ້ນກໍມອບໃຫ້ກະຊວງ ປທສ ແລະ ຄະນະຮັບຜິດຊອບລັດຖະບານເອເລັກໂຕຣນິກ ປະສານສົມທົບກັນລະອຽດໃນການສືບຕໍ່ການສ້າງລັດຖະບານເອເລັກໂຕຣນິກ  ໂດຍສະເພາະແມ່ນການຂະຫຍາຍ ແລະ ສົ່ງເສີມການນຳໃຊ້ລະບົບອີເມວ ຂອງລັດຖະບານ, ລະບົບຫ້ອງການທັນສະໄໝ,  ລະບົບກອງປະຊຸມທາງໄກ  ແລະ  ອື່ນໆ.

    ສືບຕໍ່ສ້າງ ແລະ ປັບປຸງນິຕິກຳລຸ່ມກົດໝາຍກ່ຽວກັບວຽກງານຄຸ້ມຄອງໄອຊີທີທີ່ຍັງເປັນຊ່ອງວ່າງ  ໂດຍສະເພາະນິຕິກຳຄຸ້ມຄອງການຄ້າຂາຍອອນລາຍ, ສື່ສັງຄົມອອນລາຍ ເພື່ອໃຫ້ກວມເອົາຊ່ອງທາງ ແລະ ວິທີການໃໝ່ທີ່ເກີດຂຶ້ນ ແລະ ຖືກນຳໃຊ້ຫຼາຍໃນສັງ ຄົມເປັນແຕ່ລະໄລຍະ. 

Medialaos

ກອງປະຊຸມລັດຖະບານພິຈາລະນາ 6 ບັນຫາ ແລະ ກຳນົດ ແຜນວຽກຈຸດສຸມປີ 2020

ກອງປະ­ຊຸມລັດ­ຖະ­ບານສະ­ໄໝສາ­ມັນປະຈໍາເດືອນມັງ­ກອນ 2020 ໄດ້ຈັດຂຶ້ນໃນວັນທີ 22-23/1/2020 ທີ່ສໍານັກງານນາຍົກ­ລັດ­ຖະມົນ­ຕີ ໂດຍພາຍໃຕ້ການເປັນປະ­ທານ ຂອງທ່ານ ທອງລຸນ ສີສຸລິດ ນາ­ຍົກ­ລັດ­ຖະ­ມົນຕີ  ຊຶ່ງມີບັນ ດາທ່ານຮອງນາ­ຍົກລັດ­ຖະ­ມົນຕີ ແລະ ສະ­ມາ­ຊິກລັດ­ຖະ­ບານ ພ້ອມດ້ວຍແຂກທີ່ຖືກເຊີນເຂົ້າຮ່ວມ ກອງປະ­ຊຸມໄດ້ພິ­ຈາ­ລະ­ນາບັນຫາສໍາຄັນຕ່າງໆດັ່ງ­ນີ້:

1. ກອງປະ­ຊຸມໄດ້ຮັບຟັງການລາຍງານຫຍໍ້ຈາກຂະແໜງ­ການທີ່ກ່ຽວ­ຂ້ອງກ່ຽວກັບສະ­ພາບພົ້ນເດັ່ນຂອງພາກພື້ນ ແລະ ສາ­ກົນ, ການສົ່ງ­ເສີມການຜະ­ລິດເປັນສິນ­ຄ້າຂອງປະ­ຊາຊົນ, ການເຝົ້າລະ­ວັງພະ­ຍາດຕິດ­ແປດຕ່າງໆ, ອັດ­ຕາແລກປ່ຽນເງິນ­ຕາ ແລະ ການຄຸ້ມຄອງລາ­ຄາສິນ­ຄ້າ, ສະ­ພາບການປ່ຽນ­ແປງຂອງດິນຟ້າອາ­ກາດ ແລະ ສະ­ພາບຫາງສຽງສັງຄົມຕໍ່ບັນ­ຫາດັ່ງ­ກ່າວ, ກອງປະ­ຊຸມໄດ້ພ້ອມກັນຄົ້ນ­ຄວ້າແລະມີຄວາມເປັນເອກະພາບສູງເພື່ອກໍານົດມາດຕະ­ການແກ້ໄຂເປັນ­ຕົ້ນ:

-ໃຫ້ກະ­ຊວງການຕ່າງປະ­ເທດເປັນເຈົ້າການສືບ­ຕໍ່ຕິດຕາມຢ່າງໃກ້­ຊິດ, ກຽມ­ພ້ອມຮັບມືຮອບ­ດ້ານກັບບັນ­ຫາຕ່າງໆທີ່ອາດຈະເກີດ ຂຶ້ນເພື່ອສືບ­ຕໍ່ຮັກສາຄວາມສະ­ຫງົບ ແລະ ຄວາມມີສະ­ຖຽນລະພາບທາງດ້ານການ­ເມືອງໃຫ້ໜັກແໜ້ນແລະໝັ້ນ­ຄົງ ແລະ ມີການລາຍງານລັດ­ຖະ­ບານຢ່າງເປັນປົກ­ກະ­ຕິ;

- ໃຫ້ກະ­ຊວງປ້ອງກັນປະ­ເທດ,  ກະ­ຊວງປ້ອງກັນຄວາມສະ­ຫງົບແລະພາກ­ສ່ວນກ່ຽວ­ຂ້ອງເອົາ­ໃຈ­ໃສ່ເພີ່ມທະ­ວີຄວາມເປັນເຈົ້າການຕິດ­ຕາມສະ­ພາບປະ­ກົດການຫຍໍ້­ທໍ້ທາງສັງ­ຄົມ, ປຸ້ນຈີ້ຊີງຊັບ, ຂີ້­ລັກງັດແງະ, ການລັກ­ລອບຄ້າ­ຂາຍສິ່ງຜິດກົດ­ໝາຍ, ການເກີດອຸ­ບັດ ­ເຫດຕາມທ້ອງຖະ­ໜົນ ແລະອັກ­ຄີໄພທີ່ອາດເກີດຂຶ້ນ ພ້ອມທັງກຳ­ນົດມາດຕະ­ການແກ້ໄຂປະ­ກົດການຫຍໍ້­ທໍ້ຕ່າງໆໃຫ້ເຂັ້ມງວດ, ເດັດ­ຂາດແລະທັນການ;

- ໃຫ້ກະ­ຊວງອຸດສາຫະກໍາ ແລະ ການຄ້າສົມ­ທົບກັບກະ­ຊວງກະສິກໍາ ແລະ ປ່າ­ໄມ້ສືບ­ຕໍ່ຊຸກ­ຍູ້ ແລະ ສົ່ງ­ເສີມການຜະ­ລິດສິນ­ຄ້າພາຍ ໃນ ໂດຍສະ­ເພາະແມ່ນສິນ­ຄ້າປະ­ເພດສະ­ບຽງອາ­ຫານໃຫ້ສາ­ມາດຕອບສະ­ໜອງພຽງ­ພໍກັບຄວາມຮຽກ­ຮ້ອງຕ້ອງ­ການ ພ້ອມທັງວາງມາດຕະ­ການໃນການຄຸ້ມຄອງການນຳເຂົ້າສິນ­ຄ້າອຸ­ປະໂພກ-ບໍ­ລິ­ໂພກ, ການກຳ­ນົດລາ­ຄາສິນ­ຄ້າໃນທ້ອງຕະ­ຫຼາດໃຫ້ມີຄວາມເໝາະ ສົມ ແລະ ສົມເຫດສົມຜົນ, ເດັດ­ຂາດບໍ່ໃຫ້ມີການສວຍ­ໂອ­ກາດຂຶ້ນລາ­ຄາສິນ­ຄ້າ ໂດຍສະ­ເພາະໃນໄລຍະເທດ­ສະ­ການຕ່າງໆ;

- ໃຫ້ກະ­ຊວງຊັບພະ­ຍາກອນທໍາມະຊາດ ແລະ ສິ່ງແວດ­ລ້ອມ,ກະ­ຊວງກະສິກໍາ ແລະ ປ່າ­ໄມ້ເປັນເຈົ້າການສົມທົບກັບພາກ­ສ່ວນກ່ຽວ ຂ້ອງຕິດ­ຕາມການປ່ຽນ­ແປງສະ­ພາບດິນຟ້າອາ­ກາດເອົາ­ໃຈ­ໃສ່ຊຸກ­ຍູ້ການສະໜອງນໍ້າເຂົ້າໃນການຜະ­ລິດການປູກພືດລະ­ດູ­ແລ້ງແລະ ຕິດ­ຕາມເຝົ້າລະ­ວັງການແຜ່ລະ­ບາດຂອງພະ­ຍາດສັດ ແລະ ແຈ້ງເຕືອນໃຫ້ປະ­ຊາ­ຊົນຮັບຊາບຢ່າງເປັນປົກ­ກະ­ຕິ;

- ໃຫ້ກະ­ຊວງສາ­ທາ­ລະນະສຸກສົມ­ທົບກັບພາກ­ສ່ວນກ່ຽວ­ຂ້ອງຕິດ­ຕາມເຝົ້າລະ­ວັງ ແລະ ສະ­ກັດກັ້ນການລະ­ບາດຂອງພະ­ຍາດທາງເດີນຫາຍ­ໃຈໄວຣັດຊະນິດໃໝ່ພ້ອມທັງແຈ້ງເຕືອນ, ແນະນໍາໃຫ້ປະ­ຊາ­ຊົນຮັບຊາບ ແລະ ເຂົ້າ­ໃຈເຖິງວິ­ທີປ້ອງກັນ.

2. ກອງປະ­ຊຸມໄດ້ຮັບຟັງການລາຍງານກ່ຽວກັບການຜັນຂະ­ຫຍາຍຜົນຂອງກອງປະ­ຊຸມຄັ້ງທີ 42 ຂອງຄະນະກໍາມະການຮ່ວມມືທະ­ວີພາ­ຄີລະ­ຫວ່າງລາວ-ຫວຽດ­ນາມ, ຜ່ານການຮັບຟັງ ແລະ ການປະກອບຄໍາເຫັນຂອງສະ­ມາຊິກລັດ­ຖະ­ບານ, ກອງປະ­ຊຸມໄດ້ມີທິດຊີ້ນໍາໃຫ້ບັນ­ດາກະຊວງ, ອົງ­ການທຽບເທົ່າກະ­ຊວງແລະພາກ­ສ່ວນທີ່ກ່ຽວ­ຂ້ອງຈັດຕັ້ງຜັນຂະ­ຫຍາຍຂໍ້ຕົກ­ລົງວ່າດ້ວຍແຜນ­ການຮ່ວມ ມືປະ­ຈຳປີ 2020 ລະ­ຫວ່າງລັດ­ຖະບານແຫ່ງ ສປປ ລາວ ແລະ ສສຫວຽດ­ນາມ ໂດຍໃຫ້ຫັນເປັນແຜນວຽກ, ແຜນງານ ແລະ ມີການແບ່ງຄວາມຮັບ­ຜິດ­ຊອບໃຫ້ຈະ­ແຈ້ງ ໂດຍໃຫ້ເອົາ­ໃຈໃສ່ເປັນພິ­ເສດໃນການ­ຈັດ­ຕັ້ງປະຕິ­ບັດວຽກງານ ແລະ ບັນ­ດາໂຄງ­ການຕ່າງໆໃຫ້ໄດ້ຮັບຜົນດີ.

3. ກອງປະ­ຊຸມໄດ້ຮັບຟັງການລາຍງານກ່ຽວກັບຜົນການຢ້ຽມຢາມ ສປ ຈີນ ຢ່າງເປັນທາງການຂອງທ່ານນາ­ຍົກລັດຖະ­ມົນ­ຕີແຫ່ງ ສປປ ລາວ ໃນວັນທີ 5-9 ມັງ­ກອນ 2020. ຜ່ານການຮັບຟັງ ແລະ ການປະກອບຄໍາເຫັນຂອງສະ­ມາ­ຊິກລັດ­ຖະ­ບານ, ກອງປະ­ຊຸມໄດ້ມີທິດຊີ້ນຳໃຫ້ຂະ­ແໜງ­ການກ່ຽວຂ້ອງເອົາ­ໃຈ­ໃສ່ຕິດ­ຕາມ, ຊຸກ­ຍູ້ ແລະ ແກ້ໄຂບັນ­ດາຂອດຄົງຄ້າງຕ່າງໆເພື່ອຜັນຂະ­ຫຍາຍ ແລະ ຈັດຕັ້ງປະ­ຕິ­ບັດບັນ­ດາເນື້ອໃນເອ­ກະ­ສານ, ໂຄງ­ການ ແລະ ກິດ­ຈະ­ກຳການຮ່ວມມືຕ່າງໆທີ່ໄດ້ຕົກ­ລົງກັນໃຫ້ມີປະສິດທິຜົນ.

4. ກອງປະ­ຊຸມໄດ້ຮັບຟັງບົດລາຍງານການຍົກລະ­ດັບການພົວ­ພັນຮ່ວມມືສອງຝ່າຍ ລະ­ຫວ່າງ ສປປ ລາວ ແລະ ສະ­ຫະ­ພັນ ຣັດເຊຍ ໃນສະພາບການໃໝ່ ແລະ ເຫັນດີໃຫ້ແຕ່ງ ­ຕັ້ງຄະ­ນະຮັບ­ຜິດ­ຊອບຈັດຕັ້ງການສະ­ເຫຼີມສະ­ຫຼອງ  60  ປີ ສາຍພົວ­ພັນການທູດ ລາວ-ຣັດເຊຍ ຊຶ່ງຈະຄົບ­ຮອບໃນເດືອນ ຕຸ­ລາ 2020 ໂດຍການມີກະກຽມບັນ­ດາກິດຈະກໍາການສະ ­ເຫຼີມ­ສະ­ຫຼອງໃຫ້ດີເຊັ່ນ: ການຫວນຄືນປະ­ຫວັດ­ສາດສາຍພົວພັນຮ່ວມມື ລະ­ຫວ່າງ ສອງຊາດ ລາວ-ຣັດເຊຍ, ການແລກປ່ຽນດ້ານສິ­ລະ­ປະ-ວັນ­ນະ­ຄະ­ດີ ແລະ ອື່ນໆ.

5. ກອງປະ­ຊຸມໄດ້ຮັບຟັງການລາຍງານກ່ຽວກັບການຫັນເປັນທັນສະ­ໄໝໃນການຊໍາລະ­ສະສາງ ແລະ ການເກັບລາຍຮັບເຂົ້າງົບປະ ມານຜ່ານລະ­ບົບໂທ­ລະ­ສັບມືຖື ‘‘Mobile Money”, ຜ່ານການຮັບຟັງ ແລະ ການປະກອບຄໍາເຫັນຂອງສະ­ມາ­ຊິກລັດ­ຖະ­ບານ, ກອງປະ­ຊຸມລັດ­ຖະ­ບານ ໄດ້ມີທິດຊີ້ນໍາໃຫ້ແຕ່ງ­ຕັ້ງຄະ­ນະສະ­ເພາະກິດ ໂດຍມອບໃຫ້ທ່ານຮອງນາ­ຍົກ­ລັດ­ຖະ­ມົນ­ຕີ, ລັດຖະ­ມົນ­ຕີກະ­ຊວງການເງິນເປັນຫົວ­ໜ້າຄະ­ນະມີບັນ­ດາລັດ­ຖະມົນ­ຕີ ແລະ ຮອງລັດ­ຖະ­ມົນ­ຕີກະ­ຊວງທີ່ກ່ຽວ­ຂ້ອງເປັນຄະ­ນະ ແລະ ມີໜ່ວຍງານປະ­ຕິບັດວຽກ ແລະ ລົງເລິກທາງດ້ານວິ­ຊາການ ໂດຍໃຫ້ລົງເລິກຄົ້ນ­ຄວ້າພາ­ລະບົດ­ບາດ ແລະ ກຳ­ນົດໄລ­ຍະເວ­ລາໃນການ­ຈັດ­ຕັ້ງປະ­ຕິ­ບັດວຽກງານດັ່ງ­ກ່າວ ພ້ອມທັງສ້າງແຜນແມ່ບົດການຫັນໄປສູ່ເສດ­ຖະ­ກິດດີຈີຕອນແຫ່ງຊາດ ແລະ ສ້າງແຜນແມ່ບົດການຫັນໄປສູ່ການຊໍາລະ­ສະສາງແບບດີຈີຕອນ, ຈາກນັ້ນ ໃຫ້ນໍາມາລາຍງານຄວາມຄືບໜ້າໃນການ­ຈັດ­ຕັ້ງປະ­ຕິ­ບັດວຽກງານດັ່ງ­ກ່າວຕໍ່ກອງປະຊຸມລັດ­ຖະ­ບານສະ­ໄໝສາ­ມັນປະຈໍາເດືອນມີ­ນາ 2020 ທີ່ຈະມາເຖິງ.

6. ກອງປະ­ຊຸມໄດ້ພິ­ຈາ­ລະ­ນາ ແລະ ເຫັນດີຮັບ­ຮອງເອົາຮ່າງດໍາລັດ ວ່າດ້ວຍກອງທຶນສົ່ງ­ເສີມ  ແລະ ພັດ­ທະ­ນາພະ­ລັງ­ງານຊົນນະບົດ. ກອງປະ­ຊຸມໄດ້ເຫັນດີດ້ານຫຼັກ­ການຮັບ­ຮອງເອົາຮ່າງດຳ­ລັດສະ­ບັບດັ່ງ­ກ່າວ ແລະ ໄດ້ຊີ້ນໍາໃຫ້ກະ­ຊວງພະລັງ­ງານ ແລະ ບໍ່ແຮ່ ສົມ­ທົບກັບພາກ­ສ່ວນທີ່ກ່ຽວ­ຂ້ອງປັບ­ປຸງຕື່ມຕາມການປະກອບຄໍາເຫັນຂອງສະ­ມາ­ຊິກລັດ­ຖະ­ບານເປັນ­ຕົ້ນບາງເນື້ອໃນຂອງບາງມາດ­ຕາໃຫ້ຄົບຖ້ວນ, ລະ­ອຽດ, ຈະ­ແຈ້ງ, ຮັດ­ກຸມ ແລະ ແທດຕົວຈິງ ໂດຍສະ­ເພາະແຫຼ່ງລາຍຮັບ ແລະ ການນໍາໃຊ້ກອງທຶນສົ່ງ­ເສີມ ແລະ ພັດ­ທະ­ນາພະລັງ­ງານ; ການຄຸ້ມຄອງບໍ­ລິ­ຫານກອງທຶນສົ່ງ­ເສີມ ແລະ ພັດ­ທະ ­ນາພະ­ລັງ­ງານ;  ການເປີດບັນຊີ, ການກວດສອບ ແລະ ການລາຍງານ ແລະ ອື່ນໆ.

ພາຍ­ຫຼັງປັບປຸງສໍາເລັດແລ້ວ ໃຫ້ສົມ­ທົບກັບຫ້ອງວ່າການສໍານັກງານນາ­ຍົກ­ລັດ­ຖະ­ມົນ­ຕີກວດ­ກາຮຽບ­ຮຽງຄືນແລ້ວ ສະ­ເໜີທ່ານນາຍົກ­ລັດ­ຖະ­ມົນ­ຕີລົງລາຍເຊັນປະ­ກາດໃຊ້ຢ່າງເປັນທາງການ.
ໃນຕອນທ້າຍຂອງກອງປະ­ຊຸມ ທ່ານນາ­ຍົກ­ລັດ­ຖະ­ມົນຕີ ໄດ້ຊີ້ນໍາເນັ້ນໜັກໃຫ້ຄະ­ນະລັດ ຖະ­ບານເອົາ­ໃຈ­ໃສ່ຈັດຕັ້ງປະ­ຕິ­ບັດວຽກງານຈຸດສຸມຈໍານວນໜຶ່ງດັ່ງ­ນີ້: ສຳ­ລັບແຜນວຽກຈຸດສຸມ ປີ 2020 ມີຄື:

- ສືບ­ຕໍ່ຮັບ­ປະ­ກັນສະ­ຖຽນລະພາບທາງດ້ານເສດ­ຖະ­ກິດມະ­ຫາພາກ  ແລະ ແກ້ໄຂຄວາມຫຍຸ້ງ­ຍາກທາງດ້ານເສດຖະກິດການເງິນໃຫ້ມີທ່າຕັ້ງ­ໜ້າກວ່າເກົ່າ;
- ຈັດຕັ້ງປະ­ຕິບັດຄໍາສັ່ງເລກທີ 03/ນຍ, ລົງວັນທີ 21 ມັງ­ກອນ 2020 ວ່າດ້ວຍການປັບ­ປຸງວຽກງານການບໍ­ລິ­ການການອອກໃບອະ­ນຸ­ຍາດລົງ­ທຶນແລະ ການອອກໃບອະ­ນຸຍາດດໍາເນີນທຸ­ລະກິດ; 
- ສືບ­ຕໍ່ແກ້ໄຂໜີ້ສິນໂຄງການລົງ­ທຶນຂອງລັດໃຫ້ສໍາເລັດຕາມແຜນກໍານົດໄວ້ ເພື່ອສ້າງຄວາມສະ­ດວກໃຫ້ທຸ­ລະກິດມີການຂັບເຂື່ອນໃນທາງທີ່ມີປະ ­ສິດ­ທິ­ພາບສູງຂຶ້ນ;
- ຍົກລະ­ດັບ ແລະ ຄຸນນະພາບຂອງການສຶກ­ສາ ແລະ ການບໍ­ລິ­ການດ້ານສາ­ທາ­ລະ­ນະສຸກໃຫ້ດີຂຶ້ນ;
- ສຸມໃສ່ວຽກງານພັດ­ທະນາຊົນ­ນະ­ບົດ ແລະ ລຶບ­ລ້າງຄວາມ­ທຸກຍາກ (ຕິດພັນກັບການຊຸກ­ຍູ້ປຸກ­ລະ­ດົມຂະ­ບວນການຮັກຊາດ ແລະ ພັດ­ທະ­ນາໃຫ້ເຂົ້າສູ່ລວງເລິກ);
- ຊ່ວຍ­ເຫຼືອປະ­ຊາ­ຊົນ ແລະ ຟື້ນຟູເຂດທີ່ຖືກກະ­ທົບຈາກໄພ­ພິ­ບັດ;
- ສືບ­ຕໍ່ຈັດຕັ້ງປະ­ຕິບັດຄໍາສັ່ງເລກທີ 15/ນຍ ແລະ ຜັນຂະ­ຫຍາຍ ແລະ ຈັດຕັ້ງປະ­ຕິບັດແຜນແມ່ບົດຈັດສັນທີ່ດິນແຫ່ງຊາດ;
- ສືບ­ຕໍ່ຈັດຕັ້ງປະ­ຕິ­ບັດເປົ້າໝາຍການພັດ­ທະ­ນາແບບຍືນຍົງ (SDG).
- ເອົາ­ໃຈ­ໃສ່ວຽກງານປ້ອງກັນຊາດ-ປ້ອງກັນຄວາມສະ­ຫງົບ, ແກ້ໄຂປະ­ກົດການຫຍໍ້­ທໍ້ທາງສັງ­ຄົມ ເພື່ອຮັບ­ປະ­ກັນສະ­ຖຽນລະພາບທາງການ­ເມືອງ ແລະ ຄວາມສະ­ຫງົບຂອງສັງ­ຄົມ;
- ສືບ­ຕໍ່ເສີມຂະ­ຫຍາຍວຽກງານພົວ­ພັນຮ່ວມມືສາ­ກົນໃນຂອບ 2 ຝ່າຍ ແລະ ຫຼາຍຝ່າຍທີ່ໄດ້ຕົກ­ລົງກັບບັນ­ດາປະ­ເທດເພື່ອນມິດແລະອົງ­ການສາ­ກົນໃຫ້ແຕກດອກອອກຜົນໂດຍໄວ (ໂດຍເອົາ­ໃຈ­ໃສ່ພິ­ເສດຕໍ່ໂຄງການຮ່ວມມື ລາວ-ຫວຽດ­ນາມແລະ ລາວ-ຈີນ);
- ກະ­ກຽມກອງປະ­ຊຸມສຸດຍອດແມ່ນໍ້າຂອງ-ແມ່ນໍ້າລ້ານຊ້າງ(MCL) ຄັ້ງທີ 3, ກອງປະຊຸມສຸດຍອດຍຸດ­ທະ­ສາດການຮ່ວມມືດ້ານເສດ ຖະ­ກິດແມ່ນໍ້າອີລາວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ACMECS) ຄັ້ງທີ 9; ກອງປະ­ຊຸມສຸດຍອດ (CLMV) ຄັ້ງທີ 10 ແລະກອງປະ­ຊຸມສຸດຍອດເຂດສາມ­ຫຼ່ຽມພັດ­ທະ­ນາ (CLV) ທີ່ລາວຈະເປັນເຈົ້າ­ພາບໃນເດືອນມີ­ນາ 2020 ນີ້ ແລະ ວຽກສໍາຄັນອື່ນໆ.

ແຜນວຽກຈຸດສຸມປະຈໍາເດືອນກຸມ­ພາ 2020
ພວກເຮົາຈະໄດ້ສຸມໃສ່ວຽກງານຈຸດສຸມຂອງລັດ­ຖະ­ບານປະຈໍາເດືອນກຸມ­ພາ ຊຶ່ງຂໍເນັ້ນບາງວຽກຈຸດສຸມດັ່ງ­ນີ້:
- ໃຫ້ສືບ­ຕໍ່ຮັກ­ສາສະ­ຖຽນລະພາບທາງດ້ານການ­ເມືອງໃຫ້ມີຄວາມສະ­ຫງົບ, ເປັນລະບຽບຮຽບ­ຮ້ອຍ, ປ້ອງກັນ, ສະກັດກັ້ນບັນ­ຫາປະ ກົດການຫຍໍ້­ທໍ້ໃນສັງ­ຄົມ ເປັນ­ຕົ້ນແມ່ນການ ຄາດຕະກໍາ, ປຸ້ນຈີ້ຊິງຊັບ, ຂີ້­ລັກງັດແງະ, ອັກ­ຄີໄພ, ບັນຫາສ່ິງເສບຕິດແລະອື່ນໆໃຫ້ມີມາດຕະ­ການລະ­ອຽດ ແລະ ເຂັ້ມງວດ ເພື່ອເຮັດໃຫ້ບັນ­ດາປະ­ກົດການຫຍໍ້­ທໍ້ຫຼຸດລົງເທື່ອລະກ້າວ. ພວກເຮົາຕ້ອງໄດ້ເພີ່ມຄວາມເອົາ­ໃຈ­ໃສ່ໃນການຄຸ້ມຄອງການສະ­ຫຼອງວັນປີໃໝ່ຂອງຊາວຫວຽດ­ນາມ ແລະ ຈີນໃຫ້ມີຄວາມເປັນລະ­ບຽບຮຽບ­ຮ້ອຍບໍ່ໃຫ້ມີເຫດ ການທີ່ບໍ່ດີເກີດຂຶ້ນ, ຫ້າມບໍ່ໃຫ້ຈູດກະ­ໂພກທີ່ມີສຽງດັງລົບກວນໃນໄລ­ຍະປີໃໝ່ທີ່ຈະມາເຖິງ;
- ໃຫ້ສືບຕໍ່ຕິດ­ຕາມ ແລະ ຄຸ້ມຄອງລາ­ຄາສິນ­ຄ້າຫ້າມບໍ່ໃຫ້ພໍ່­ຄ້າຊາວຂາຍສວຍ­ໂອກາດຂຶ້ນລາ­ຄາສິນຄ້າ.  ກໍ­ລະ­ນີຫາກມີຜູ້ລະ­ເມີດສວຍໂອກາດຂຶ້ນລາ­ຄາສິນ­ຄ້າກໍໃຫ້ມີມາດຕະ­ການເຂັ້ມງວດໃນການແກ້ໄຂ ໂດຍສະ­ເພາະໃນໄລຍະເທດ­ສະ­ການຕ່າງໆ;
- ໃຫ້ສືບ­ຕໍ່ເອົາ­ໃຈ­ໃສ່ຄຸ້ມຄອງສະ­ພາບອັດ­ຕາແລກ­ປ່ຽນ, ຮັກ­ສາສະ­ຖຽນລະພາບການເງິນ ແລະ ໄຟເງິນເຟີ້ໃຫ້ຢູ່ໃນລະ­ດັບທີ່ສາ­ມາດຄວບຄຸມໄດ້; ພ້ອມນີ້ກໍໃຫ້ຄົ້ນ­ຄວ້າ ແລະ ລາຍງານທິດທາງການແກ້ໄຂບັນຫາເງິນເຟີ້ ແລະ ຄຸ້ມຄອງອັດຕາແລກ­ປ່ຽນໄລ­ຍະກາງ ແລະ ໄລ­ຍະຍາວ;
- ໃຫ້ເອົາ­ໃຈ­ໃສ່ຕິດ­ຕາມຊຸກ­ຍູ້ການຜະ­ລິດ ເປັນ­ຕົ້ນແມ່ນການແກ້ໄຂບັນ­ຫາການສະໜອງນໍ້າໃນການຜະ­ລິດ,  ການລະ­ບາດຂອງພະ­ຍາດສັດ (ໄຂ້ຫວັດສັດປີກ) ແລະ ການປ້ອງກັນ-ສະ­ກັດກັ້ນສັດ­ຕູພືດ ພ້ອມທັງມີການຄຸ້ມຄອງຈໍາກັດການນໍາເຂົ້າ, ການສົ່ງ­ເສີມການຜະລິດ ແລະ ຊົມ­ໃຊ້ພາຍໃນຂອບເຂດທົ່ວປະ­ເທດຢ່າງເປັນຮູບປະທໍາ ພ້ອມດຽວກັນ, ໃຫ້ເອົາໃຈ­ໃສ່ການຜະ­ລິດລະ­ດູ­ແລ້ງແລະ ມາດຕະ­ການຮັບມື້ກັບໄພແຫ້ງ­ແລ້ງທີ່ອາດຈະເກີດຂຶ້ນ;
- ໃຫ້ເອົາ­ໃຈ­ໃສ່ ແລະ ຕິດ­ຕາມເຝົ້າລະ­ວັງສະ­ພາບການປ່ຽນ­ແປງອາ­ກາດ  ເປັນ­ຕົ້ນແມ່ນສະ­ພາບອາ­ກາດທີ່ເປັນມົນລະພິດ ແລະ ສະ­ພາບປະ­ລິມານນ້ໍຳບົກແຫ້ງ ແລະ ມີການແຈ້ງເຕືອນໃຫ້ປະ­ຊາ­ຊົນຮັບຊາບ ແລະ ກຽມຮັບມືຢ່າງທັນການ; ຕິດ­ຕາມ, ເຝົ້າລະ­ວັງ, ສະ­ກັດກັ້ນການແຜ່ລະ­ບາດຂອງ ເຊື້ອໄວຣັດຊະ­ນິດໃໝ່ (ອັກ ­ເສບປອດ) ທີ່ພວມແຜ່ລະ­ບາດຢູ່  ສປ  ຈີນ ພ້ອມທັງໃຫ້ຂໍ້ມູນຄວາມສ່ຽງແກ່ສັງ­ຄົມທີ່ຖືກ­ຕ້ອງທັນການ  ເພື່ອປ້ອງກັນ ແລະ ສະ­ກັດກັ້ນໃຫ້ທັນເວ­ລາ, ມີປະສິດທິຜົນ;
- ໃຫ້ສືບ­ຕໍ່ຕິດ­ຕາມຢ່າງໃກ້ຊິດຕໍ່ສະ­ພາບການຂອງສາກົນ ແລະ ພາກພື້ນທີ່ມີຄວາມສັບ­ສົນພ້ອມທັງມີການວິ­ເຄາະ, ວິ­ໄຈໃຫ້ຊັດເຈນທີ່ອາດສົ່ງຜົນກະ­ທົບທາງກົງ ແລະ ທາງອ້ອມຕໍ່ ສປປ ລາວ; ພ້ອມນີ້ກໍໃຫ້ກະກຽມແຜນ­ການ­ເຄື່ອນ­ໄຫວວຽກງານຕ່າງ­ປະ­ເທດຂອງການນໍາຂັ້ນສູງ ໂດຍສະ­ເພາະແມ່ນກຽມຕ້ອນຮັບ ແລະ ພົບປະສອງຝ່າຍກັບນາ­ຍົກ­ລັດ­ຖະ­ມົນ­ຕີມາເລເຊຍ;  ບັນ­ດາຜູ້ນໍາຂອງຕ່າງ­ປະ­ເທດທີ່ຈະເຂົ້າຮ່ວມກອງປະ­ຊຸມສາ­ກົນໃນເດືອນມີ­ນາ 2020 ແລະ ກະ­ກຽມເປັນເຈົ້າ­ພາບຮ່ວມກອງປະ­ຊຸມແມ່ນໍ້າຂອງ-ແມ່ນໍ້າລ້ານຊ້າງ  ແລະ ກອງປະ­ຊຸມທີ່ຕິດພັນ.

ເພື່ອຈັດຕັ້ງປະ­ຕິ­ບັດທິດຊີ້ນຳຂອງກອງປະ­ຊຸມລັດ­ຖະ­ບານສະ­ໄໝສາ­ມັນປະ­ຈຳເດືອນມັງ­ກອນ 2020 ໃຫ້ມີປະ­ສິດທິຜົນ ກອງປະຊຸມມອບໃຫ້ຫ້ອງວ່າການສໍານັກງານນາ­ຍົກ­ລັດ ­ຖະ­ມົນ­ຕີຜັນຂະ­ຫຍາຍຜົນກອງປະ­ຊຸມລັດ­ຖະ­ບານໃນຄັ້ງນີ້ເປັນມະ­ຕິ ແລະ ແຈ້ງການເປັນອັນລະ­ອຽດຕື່ມ ເພື່ອມອບຄວາມຮັບ­ຜິດ­ຊອບໃຫ້ບັນ­ດາກະ­ຊວງ ແລະ ຂະ­ແໜງ­ການທີ່ກ່ຽວຂ້ອງນໍາໄປຈັດຕັ້ງປະ­ຕິ­ບັດ ພ້ອມທັງມອບໃຫ້ສະ­ມາ­ຊິກລັດ­ຖະ­ບານເອົາ­ໃຈ­ໃສ່ນຳ­ພາຊີ້ນໍາການ­ຈັດຕັ້ງປະ­ຕິ­ບັດວຽກງານຈຸດສຸມປະຈໍາເດືອນກຸມ­ພາທີ່ກ່ຽວ­ຂ້ອງກັບຄວາມຮັບ­ຜິດ­ຊອບຂອງຕົນໃຫ້ມີປະ­ສິດທິຜົນ ພ້ອມທັງສະ­ຫຼຸບລາຍງານຜົນການ­ຈັດ­ຕັ້ງປະ­ຕິ­ບັດໃຫ້ຫ້ອງວ່າ­ການສຳ­ນັກ­ງານນາ­ຍົກລັດຖະມົນຕີ. 

 

Medialaos