ນະຄອນຫລວງ ແນະນຳ​ກິດຈະກຳສະຫລອງບຸນອອກພັນສາປະວໍລະນາ ແລະ ຊ່ວງເຮືອປະເພນີ ປະຈຳປີ 2014

ຂປລ. ວັນບຸນອອກພັນສາປະວໍລະນາ ແລະ ບຸນຊ່ວງເຮືອວຽງຈັນ ປີນີ້ ກົງກັບວັນທີ 8-9 ເດືອນຕຸລາ, ເຊິ່ງນະຄອນຫລວງວຽງຈັນ ກໍຄື ຄະນະກຳ ມະການຈັດງານບຸນດັ່ງກ່າວ ໄດ້ກຳນົດເອົາວັນທີ 6-9 ຕຸລາ ເປັນມື້ສະເຫລີມສະຫລອງ ແລະ ຈັດງານຕະຫລາດນັດ, ພ້ອມທັງກະກຽມຫລາກຫລາຍ ກິດຈະກຳທີ່ໜ້າສົນໃຈ ເພື່ອຮອງຮັບນັກທ່ອງທ່ຽວທັງພາຍໃນ ແລະ ຕ່າງປະເທດ, ທັງເປັນການປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທຳ ຮີດຄອງປະເພນີອັນດີງາມຂອງຊາດລາວ, ສົ່ງເສີມການຄ້າ ການບໍລິການ ການທ່ອງທ່ຽວ ແລະ ຂ່ຳນັບຮັບຕ້ອນການສະເຫລີມສະຫລອງ 2 ວັນປະຫວັດສາດຂອງຊາດ. ຂະນະທີ່ແມ່ຄ້າຊາວຂາຍອາຫານພື້ນເມືອງປະເພດ ເຂົ້າຫລາມ ປີ້ງໄກ່ ເລີ່ມຕັ້ງໂຕະຂາຍສິນຄ້າຂອງຕົນຕາມແຄມຂອງ ທ່າວັດຈັນແລ້ວ.

ອ່ານເພີ່ມເຕີມ...

ສປປ ລາວ ປະສົບຜົນສຳເລັດການ​ເປັນເຈົ້າພາບຈັດກອງປະຊຸມ ລັດຖະມົນຕີ​ພະລັງງານ​ອາຊຽນ

ຂປລ. ສປປ ລາວ ໄດ້ບັນລຸຜົນສຳເລັດ ໃນການເປັນເຈົ້າພາບກອງປະຊຸມລັດຖະມົນຕີພະລັງງານ ອາຊຽນ ຄັ້ງທີ 32 (AMEM)  ທີ່ນະຄອນຫລວງວຽງຈັນ ດ້ວຍການອອກຖະແຫລງການຮ່ວມຂອງ ອາຊຽນ ເພື່ອການຮ່ວມມືດ້ານພະລັງງານນຳກັນ.
ກອງປະຊຸມລັດຖະມົນຕີພະລັງງານ ອາຊຽນ ຄັ້ງທີ 32 ໄດ້ອັດລົງດ້ວຍຜົນສຳເລັດ ພາຍຫລັງໄດ້ດຳໍເນີນມາແຕ່ວັນທີ 22-24 ເດືອນກັນຍາ 2014, ໂດຍການເປັນປະທານຂອງ ທ່ານ ສຸລິວົງ ດາລາວົງ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່, ມີບັນດາລັດຖະມົນຕີ ຈາກປະເທດສະມາຊິກ ອາຊຽນ ແລະ ບັນດາປະເທດຄູ່ເຈລະຈາເຂົ້າຮ່ວມນຳ. ໃນລະຫວ່າງການດຳເນີນກອງປະຊຸມລັດຖະມົນຕີພະລັງງານ ອາຊຽນ ຄັ້ງທີ 32 ນີ້ ຍັງມີກອງປະຊຸມລັດຖະມົນຕີ ອາຊຽນ ກັບບັນດາຄູ່ຮ່ວມເຈລະຈາ+3 (ສປ ຈີນ, ຍີ່ປຸ່ນ, ສ ເກົາຫລີ) ຄັ້ງທີ 11, ກອງປະຊຸມສຸດຍອດ ລັດຖະມົນຕີພະລັງງານ ອາຊີຕາເວັນອອກ ແລະ ກອງປະຊຸມພົບປະເຈລະຈາ ຮ່ວມກັບສຳນັກງານພະລັງງານສາກົນ(IEA) ຕາມລຳດັບ.

ອ່ານເພີ່ມເຕີມ...

ອາຊຽນ ເພີ່ມທະວີການຮ່ວມມື​ແລະ ສົ່ງເສີມພະລັງງານສີຂຽວເປັນມິດຕໍ່ສິ່ງແວດລ້ອມ

ຂປລ. ທ່ານນາຍົກລັດຖະມົນຕີ ແຫ່ງ ສປປ ລາວ ໄດ້ສະເໜີບາງທັດສະນະ ໃນລະຫວ່າງການເປີດກອງປະຊຸມ ລັດຖະມົນຕີພະລັງງານ ອາຊຽນ ເຊິ່ງ ສປປ ລາວ ເປັນເຈົ້າພາບ ຢູ່ນະຄອນຫລວງວຽງຈັນວ່າ: ອາຊຽນ ຄວນເພີ່ມທະວີການຮ່ວມມືດ້ານພະລັງງານໃຫ້ຫລາຍຂຶ້ນກວ່າເກົ່າເປັນຕົ້ນ: ການກຳນົດນິຕິກຳ ແລະ ມີນະໂຍບາຍ ທີ່ຊັດເຈນກວ່າເກົ່າ ກ່ຽວກັບການສົ່ງເສີມການນຳໃຊ້ພະລັງງານທົດແທນເຂົ້າໃນແຜນຍຸດທະສາດ ການພັດທະນາ ແບບຍືນຍົງ; ຄວນເສີມຂະຫຍາຍການຄົ້ນຄວ້າວິໄຈ ແລະ ການພັດທະນາ ເຕັກໂນໂລຊີດ້ານພະລັງງານທົດແທນ ເພື່ອສາມາດເຜີຍແຜ່ ແລະ ນຳໃຊ້ໃນບັນດາປະເທດອາຊຽນ ຢ່າງແທດເໝາະກັບສະພາບການຂອງແຕ່ລະປະເທດ; ສືບຕໍ່ສຶກສາການສ້າງຕະຫລາດພະລັງງານທົດແທນ ໃຫ້ກວ້າງຂວາງກວ່າເກົ່າ ແລະ ສະໜອງທຶນທີ່ຈຳເປັນໃນການສົ່ງເສີມພະລັງງານສີຂຽວ ທີ່ເປັນມິດຕໍ່ສິ່ງແວດລ້ອມ; ຄວນຊຸກຍູ້ການເຊື່ອມຈອດ ແລະ ລະບົບໄຟຟ້າແຮງສູງ ໃຫ້ເປັນຮູບປະທຳຂຶ້ນເທື່ອລະກ້າວ ແນໃສ່ການແລກປ່ຽນພະລັງງານໄຟຟ້າ ຈາກແຫລ່ງຕ່າງໆຢ່າງມີປະສິດທິຜົນ ໂດຍ ເລີ່ມຈາກນ້ອຍໄປຫາໃຫຍ່ ທັງເຮັດ, ທັງຖອດຖອນບົດຮຽນ ແລະ ຊອກຫາວິທີແກ້ໄຂບັນຫາຫຍຸ້ງຍາກ ແລະ ສິ່ງທ້າທາຍຕ່າງໆ.

ອ່ານເພີ່ມເຕີມ...

ນາຍົກລັດຖະມົນຕີ ຕ້ອນຮັບຄະນະຜູ້ແທນລັດຖະມົນຕີພະລັງງານ ອາຊຽນ

ຂປລ. ໃນຕອນເຊົ້າຂອງວັນທີ 23 ເດືອນກັນຍາ ປີ 2014 ທີ່ໂຮງແຮມດອນຈັນພາເລດ ນະຄອນຫລວງວຽງຈັນ, ທ່ານ ທອງສິງ ທຳມະວົງ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງບັນດາລັດຖະມົນຕີພະລັງງານ ອາຊຽນ ແລະ ຜູ້ຕາງໜ້າຈາກ ປະເທດ ຄູ່ເຈລະຈາ ເຊິ່ງນຳໂດຍ ທ່ານ ສຸລິວົງ ດາລາວົງ ລັດຖະມົນຕີວ່າການກະຊວງ ພະລັງງານ ແລະ ບໍ່ແຮ່ ສປປ ລາວ, ທັງເປັນປະທານ ກອງປະຊຸມລັດຖະມົນຕີພະລັງງານ ອາຊຽນ ຄັ້ງທີ 32, ໂອກາດເດີນທາງມາຮ່ວມກອງປະຊຸມລັດຖະມົນຕີພະລັງງານ ອາຊຽນ ຄັ້ງທີ 32 ທີ່ ສປປ ລາວ ໄດ້ຮັບກຽດເປັນເຈົ້າພາບ.

ອ່ານເພີ່ມເຕີມ...

ກອງປະຊຸມໃຫຍ່ໄອປາ ຄັ້ງທີ 35 ປິດລົງດ້ວຍຜົນສຳເລັດອັນຈົບງາມ

ຂປລ. ກອງປະຊຸມໃຫຍ່ ສະມັດຊາລັດຖະສະພາ ລະຫວ່າງຊາດອາຊຽນ ຫລື ໄອປາ ຄັ້ງທີ 35 ໄດ້ປິດລົງດ້ວຍຜົນສຳເລັດອັນຈົບງາມ ໃນຕອນແລງວັນທີ 19 ເດືອນກັນຍາ ປີ 2014 ພາຍຫລັງດຳເນີນມາເປັນເວລາ 5 ວັນ ພາຍໃຕ້ການເປັນປະທານ ຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສປປ ລາວ, ມີບັນດາປະທານລັດຖະສະພາ, ຫົວໜ້າຄະນະຜູ້ແທນສະມາຊິກໄອປາ, ຫົວໜ້າຄະນະຜູ້ແທນ ສັງເກດການ, ສະມາຊິກລັດຖະສະພາ, ອົງການຈັດຕັ້ງສາກົນ ແລະ ພາກສ່ວນກ່ຽວຂ້ອງເຂົ້າຮ່ວມ.

ອ່ານເພີ່ມເຕີມ...

ກະກຽມກ້ອນສວນສະໜາມສະເຫລີມສະຫລອງ 2 ວັນ​ປະຫວັດສາດ ໃນ​ປີ 2015

ຂປລ. ເມືອມໍ່ໆມານີ້, ທີ່ຫ້ອງປະຊຸມຫ້ອງວ່າການສູນກາງພັກ (ຫລັກ 6) ອະນຸກຳໍມະການສວນສະໜາມເພື່ອສະເຫລີມສະຫລອງວັນປະຫວັດສາດປີ 2015, ຂົງເຂດກ້ອນສວນສະໜາມຝ່າຍພົນລະເຮືອນ (6 ອົງການຂອງພັກ) ໄດ້ຈັດກອງປະຊຸມປຶກສາ ວຽກຕາມແຈ້ງການຂອງ ອະນຸກຳໍມະການສວນສະໜາມ, ກອງເລຂານຸການປະຈຳໍຫ້ອງວ່າການລັດຖະບານ, ໂດຍການເປັນປະທານຂອງ ທ່ານ ນາງ ຍອດແກ້ວມະນີ ສຸພານຸວົງ, ລັດຖະມົນຕີຊ່ວຍວ່າການ, ຮອງຫົວໜ້າຫ້ອງວ່າການສູນກາງພັກ, ຫົວໜ້າກ້ອນສວນສະໜາມຝ່າຍພົນລະເຮືອນ. ມີຜູ້ຕາງໜ້າຫ້ອງການ ແລະ ກົມຈັດຕັ້ງ ຂອງຫ້ອງວ່າການ ສູນກາງພັກ, ຄະນະຈັດຕັ້ງສູນກາງພັກ, ຄະນະກວດກາສູນກາງພັກ, ຄະນະໂຄສະນາ ອົບຮົມສູນກາງພັກ, ສະຖາບັນການເມືອງ ແລະ ການປົກຄອງ ແຫ່ງຊາດ ແລະ ຄະນະພິພິທະພັນໄກສອນພົມວິຫານເຂົ້າຮ່ວມ.

ອ່ານເພີ່ມເຕີມ...

ຄະນະຜູ້ແທນກອງປະຊຸມ ໄອປາ ທ່ຽວຊົມຕົວເມືອງນະຄອນຫລວງວຽງຈັນ

ຂປລ. ໃນວາລະຂອງການດຳເນີນກອງປະຊຸມໃຫຍ່ ສະມັດຊາລັດຖະສະພາລະຫວ່າງຊາດ ອາຊຽນ ຫລື ໄອປາ ຄັ້ງທີ 35 ໃນຕອນເຊົ້າວັນທີ 18 ເດືອນ ກັນຍາ ປີ 2014 ນີ້, ບັນດາຄະນະ ຜູ້ແທນກອງປະຊຸມ ໄດ້ເຄື່ອນໄຫວທ່ຽວຊົມຕົວເມືອງ ໃນນະຄອນຫລວງວຽງຈັນ ເຊິ່ງໄດ້ແບ່ງເປັນ 2 ຄະນະຄື: ຄະນະທີ 1 ປະກອບມີ ຜູ້ແທນຈາກ 10 ປະເທດສະມາ ຊິກອາຊຽນ ພ້ອມດ້ວຍຄະນະ ຜູ້ແທນຈາກປະເທດຈີນ ແລະ ຍິ່ປຸ່ນ ເຊິ່ງນຳໂດຍ ອະນຸກຳມະການທ່ອງທ່ຽວ

ອ່ານເພີ່ມເຕີມ...

ປະທານ​ສະພາ​ແຫ່ງ​ຊາດ​ລາວ ຕ້ອນຮັບ​ຮອງ​ປະທານ​ສະພາ​ແຫ່ງ​ຊາດ​ ຫວຽດນາມ

ຂປລ. ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງ ທ່ານນາງ ຕອງ ທິ ຟອງ ຮອງປະທານສະພາແຫ່ງຊາດ ແຫ່ງ ສສ ຫວຽດນາມ ແລະ ຄະນະ ໃນຕອນແລງວັນທີ 18 ເດືອນກັນຍາ ປີ 2014 ທີ່ໂຮງແຮມລາວພລາຊາ, ນະຄອນຫລວງວຽງຈັນ ໃນໂອກາດທີ່ເດີນທາງມາເຂົ້າຮ່ວມກອງປະຊຸມໃຫຍ່ ສະມັດຊາລັດຖະສະພາລະຫວ່າງຊາດອາຊຽນ ຫລື ໄອປາ ຄັ້ງທີ 35 ທີ່ ສປປ ລາວ ຮັບກຽດເປັນເຈົ້າພາບແຕ່ວັນທີ 14-20 ເດືອນກັນຍາ ປີ 2014.

ອ່ານເພີ່ມເຕີມ...