ສະເຫຼີມສະຫຼອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 64 ປີ

ສມຊ.ໃນຕອນເຊົ້າຂອງວັນທີ12/08/2014ທີ່ຫ້ອງປະຊຸມໃຫຍ່ຂອງກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວໄດ້ມີການສະເຫລີມສະຫລອງວັນສື່ມວນຊົນແຫ່ງຊາດ ແລະ ວັນການພິມຈຳໜ່າຍຄົບຮອບ 64 ປີ ພາຍໃຕ້ການເປັນປະທານຂອງ ທ່ານ ສຈ ດຣ ບໍ່ແສງຄຳ ວົງດາລາ ກຳມະການສູນກາງພັກ, ລັດຖະມົນຕີວ່າການ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ປະທານສະມາຄົມນັກຂ່າວ ແຫ່ງ ສປປ ລາວ.ເຂົ້າຮ່ວມພິທີ ມີທ່ານ ອະດີດລັດຖະມົນຕີ, ລັດຖະມົນຕີຊ່ວຍວ່າການ, ບັນດາແຂກ, ຫົວໜ້າອົງການສື່ມວນຊົນ ແລະ ການພິມຈຳໜ່າຍ ໄດ້ເປັນກຽດເຂົ້າຮ່ວມເຊັ່ນດຽວກັນ.

 

 ໃນພິທີ ທ່ານ ສະຫວັນຄອນ ຣາຊະມົນຕີ, ລັດຖະມົນຕີຊ່ວຍວ່າການ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ສະຫລຸບຜົນງານການເຄື່ອນໄຫວວຽກງານສື່ມວນຊົນ ແລະ ພິມຈຳໜ່າຍໃນໜຶ່ງປີຜ່ານມາ ແລະ ຜ່ານທິດທາງແຜນການວຽກງານສື່ມວນຊົນ ແລະ ພິມຈຳໜ່າຍໃນສົກປີ 2014-2015.

ໃນໂອກາດອັນສະຫງ່າລາສີນີ້, ທ່ານ ສຈ ດຣ ບໍ່ແສງຄຳ ວົງດາລາ ລັດຖະມົນຕີວ່າການ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ໄດ້ໂອລົມຕໍ່ຄະນະຜູ້ແທນທີ່ເຂົ້າຮ່ວມພິທີ.ພ້ອມນີ້ທ່ານຍັງໃຫ້ກຽດເປີດນຳໃຊ້ ເວບໄຊ ຂອງ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຢ່າງເປັນທາງການ.