ຍ້ອງຍໍຜູ້ມີຜົນງານຮັບໃຊ້ກອງປະຊຸມອາເຊັມ 9

ຂປລ. ຕອນເຊົ້າ ວັນທີ 31 ເດືອນກໍລະກົດ ປີ 2014 ນີ້ ທີ່ໂຮງຮຽນສິລະປະແຫ່ງຊາດ ນະຄອນຫລວງວຽງຈັນ, ກົມສິລະປະການສະແດງ ກະ ຊວງຖະແຫລງຂ່າວວັດທະນະທຳ ແລະ ທ່ອງທ່ຽວ ໄດ້ຈັດພິທີຍ້ອງຍໍຜູ້ທີ່ມີຜົນງານ, ຄຸນງາມຄວາມດີ, ອຸທິດເຫື່ອແຮງ ແລະ ສະຕິປັນຍາ ປະກອບ ສ່ວນເຂົ້າໃນການກະກຽມ ແລະ ຮັບໃຊ້ກອງປະຊຸມຊຸດຍອດອາຊີ-ເອີຣົບ ຄັ້ງທີ 9 (ASEM9) ທີ່ ສປປ ລາວ ໄດ້ຮັບກຽດເປັນເຈົ້າພາບ ເຊິ່ງ

ກອງປະຊຸມດັ່ງກ່າວໄດ້ຮັບຜົນສຳເລັດຢ່າງຈົບງາມ ແລະ ມອບໃບຍ້ອງຍໍລັດຖະບານໃຫ້ກັບບັນດາບໍລິສັດ ແລະ ຫ້າງຮ້ານຕ່າງໆ ທີ່ໃຫ້ການອຸ ປະຖຳຊຸກຍູ້ກອງປະຊຸມໃຫຍ່ ຂອງສະມາຄົມສິລະປິນ ໂດຍແມ່ນ ທ່ານ ສຈ ດຣ ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວ ວັດທະ ນະທຳ ແລະ ທ່ອງທ່ຽວ (ຖວທ) ໃຫ້ກຽດປະດັບ.

 

ການຍ້ອງຍໍຜົນງານຄັ້ງນີ້ ໄດ້ຮັບການ ປະດັບຫລຽນໄຊແຮງງານຊັ້ນ II ຈຳນວນ 1 ທ່ານ ແລະ 1 ກົມ, ຫລຽນໄຊແຮງງານຊັ້ນ III ຈຳນວນ 12 ທ່ານ ແລະ 6 ກົມ. ໃນໂອກາດດຽວກັນນີ້ ທ່ານ ບົວເງິນ ຊາພູວົງ ລັດຖະມົນຕີຊ່ວຍວ່າການກະຊວງ ຖວທ ກໍໄດ້ໃຫ້ກຽດປະດັບຫລຽນກາແຮງງານ ໃຫ້ຈຳນວນ 62 ທ່ານ ແລະ ມອບໃບຍ້ອງຍໍລັດຖະບານໃຫ້ ຈຳນວນ 600 ທ່ານ./.