ນະຄອນຫຼວງວຽງຈັນ ກຽມພ້ອມຮັບໃຊ້ກອງປະຊຸມໄອປາ

ປຊຊ. ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມລັດຖະສະພາອາຊຽນ ຫຼື AIPA ຄັ້ງທີ 35 ໃນລະຫວ່າງ ວັນທີ 14-20 ກັນຍານີ້ ທີ່ນະຄອນຫຼວງວຽງຈັນ ເພື່ອກະກຽມຄວາມພ້ອມເປັນເຈົ້າພາບທີ່ດີ, ການນຳນະຄອນຫຼວງ ໄດ້ຈັດກອງປະຊຸມ ຮັບຟັງການ ລາຍງານຄວາມພ້ອມຈາກຂະແໜງຕ່າງໆ ໂດຍສະເພາະດ້ານການຮັກສາຄວາມເປັນລະບຽບຮຽບຮ້ອຍ,

ຄວາມສະຫງົບປອດໄພ ແລະ ຄວາມສະອາດງາມຕາໃນໂອກາດຮັບໃຊ້ກອງປະຊຸມໄອປາໃຫ້ບັນລຸ ຜົນສຳເລັດຕາມຄາດໝາຍ. ກອງປະຊຸມ ພາຍໃຕ້ເປັນປະທານຂອງ ທ່ານ ດຣ. ສິນລະວົງ ຄຸດໄພທູນ ເລຂາຄະນະພັກເຈົ້າຄອງນະຄອນຫຼວງວຽງຈັນ ຊຶ່ງມີບັນດາ ທ່ານເລຂາພັກເມືອງ 9 ເມືອງ. ບັນດາຂະແໜງການກ່ຽວຂ້ອງເຂົ້າຮ່ວມເພື່ອເຮັດໃຫ້ເນື້ອໃນຈິດໃຈດັ່ງກ່າວໄດ້ ຮັບການຈັດຕັ້ງປະຕິບັດໃຫ້ປະກົດຜົນເປັນຈິງ, ມາເຖິງປະຈຸ ບັນ ວຽກງານອະນາໄມຕົວເມືອງ ຕາມສາຍທາງຫຼັກ, ຈາກ 9 ເສັ້ນທາງມາເປັນ 20 ເສັ້ນທາງ  ປະກອບມີວຽກດູດຝຸ່ນຕາມ ສາຍທາງ-ລ້າງທາງ ວຽກງານປະດັບປະດາຕົວເມືອງ-ປະກອບ ມີວຽກຕິດຕັ້ງທຸງ ຕາມສາຍທາງສຳຄັນປະດັບ ທຸງທິວ-ປ້າຍຄຳຂວັນ, ປ້າຍໂຄສະນາໄຟປະດັບຕ່າງໆໃຫ້ສຳເລັດກ່ອນວັນທີ 10 ກັນຍານີ້. ນອກຈາກນີ້ບັນດາຂະແໜງການກ່ຽວຂ້ອງທັງຈະຕ້ອງໄດ້ສຸມໃສ່ວຽກງານຈຳນວນໜຶ່ງເປັນຕົ້ນແມ່ນວຽກງານລວງຮ່ອງລະບາຍນ້ຳ, ແກ້ໄຂສະພາບ ນ້ຳອັ່ງຂັງໃນຕົວເມືອງ ເຊັ່ນ: ຮ່ອງນ້ຳສາຍແມ່, ຮ່ອງນ້ຳແຄມທາງ, ຮ່ອງນ້ຳທຳມະຊາດຕ່າງໆຢູ່ເມືອງສີສັດຕະນາກ.