ຖະແຫຼ່ງຂ່າວການຈັດງານມະຫາກຳສີມືຫັດຖະກຳລາວ

ປຊຊ. ສະມາຄົມຫັດຖະກຳລາວໄດ້ຈັດຖະແຫຼງຂ່າວການຈັດງານມະຫາກຳສີມືຫັດຖະກຳລາວຂຶ້ນໃນວັນທີ 14 ສິງຫານີ້ທີ່ສະ ມາຄົມ ນັກຂ່າວ ແຫ່ງປະເທດລາວ ໂດຍການເປັນປະທານຂອງ ທ່ານ ຫານຊະນະ ສີສານ ປະທານສະມາຄົມຫັດຖະກຳລາວ,ພ້ອມ ດ້ວຍບັນດາທ່ານຮອງປະທານ ແລະ ບັນດາສື່ມວນຊົນເຂົ້າຮ່ວມ.


ໃນງານດັ່ງກ່າວ ທ່ານ ຫານຊະນະ ສີສານ ໄດ້ກ່າວວ່າ: ສະເພາະໃນປີນີ້ສະມາຄົມຫັດຖະກຳລາວ ແມ່ນໄດ້ຈັດງານວາງ ສະແດງສິນຄ້າຫັດຖະກຳ ຊຶ່ງເປັນບຸນປະເພນີປະຈຳຊາດທີ່ຍິ່ງ ໃຫຍ່ຂອງປວງຊົນລາວທັງຊາດ ແລະ ເພື່ອເປັນການກະກຽມ ຕ້ອນຮັບການສະເຫຼີມສະຫຼອງ ວັນປະຫວັດສາດຂອງຊາດຄື: ວັນສ້າງຕັ້ງພັກປະຊາຊົນປະຕິ ວັດ ລາວ ຄົບຮອບ 60 ປີ, ວັນສະ ຖາປະນາ ສາທາລະນະລັດ ປະ ຊາທິປະໄຕ ປະຊາຊົນລາວ ຄົບຮອບ 40 ປີ ແລະ ການ ເປັນປະຊາຄົມອາຊຽນ ໃນປີ 2015 ນີ້, ງານມະຫາກຳສີ ມືຫັດຖະກຳລາວຈັດຂຶ້ນ ໂດຍການເປັນເຈົ້າພາບຮ່ວມ ກັນລະຫວ່າງສະພາການຄ້າ ແລະ ອຸດສາຫະກຳ ແຫ່ງຊາດ ແລະ ສະມາຄົມຫັດຖະກຳ ລາວ, ຄະນະຮັບຜິດຊອບຈັດ ຕັ້ງງານມະຫາກຳສີມືຫັດຖະ ກຳລາວຈະສ້າງຂະບວນການ ຕ້ອນຮັບຢ່າງຄຶກຄື້ນ ແລະ ປຸກລະດົມເອົາຊາວຊ່າງຫັດ ຖະກຳໃນທຸກແຂວງທົ່ວປະ ເທດ, ມາຮ່ວມກັນສ້າງກິດຈະ ກຳຕ່າງໆທີ່ເປັນມູນມໍລະດົກ, ວັດທະນະທຳ ແລະ ເອກະລັກ ຂອງຄົນລາວ, ເພື່ອໂຄສະນາ ສູ່ສາຍຕາມວນຊົນ ແລະ ເປັນ ການເປີດໂອກາດດ້ານການ ຕະຫຼາດແບບກວ້າງຂວາງ ສາມາດສ້າງລາຍຮັບໃຫ້ຊາວຊ່າງຫັດຖະກຳ, ຊາວບ້ານ ແລະ ຊ່ວຍເຫຼືອ ເຂົາເຈົ້າໃຫ້ຫຼຸດພົ້ນອອກຈາກຄວາມທຸກຍາກຕາມແນວທາງນະໂຍບາຍຂອງພັກ ແລະ ລັດ; ພ້ອມດຽວກັນນັ້ນກໍເປັນການພັດທະນາ ແລະ ສົ່ງເສີມ ຜະລິດຕະພັນຫັດຖະກຳລາວ ໃຫ້ກາຍເປັນສິນຄ້າອອກສູ່ຕະ ຫຼາດພາຍໃນແລະຕ່າງປະເທດ.
ໃນໂອກາດນີ້ທ່ານປະ ທານສະມາຄົມຫັດຖະກຳລາວ ແລະ ຄະນະຊີ້ນຳກະກຽມຈັດ ຕັ້ງງານມະຫາກຳສີມືຫັດຖະ ກຳລາວຄັ້ງທີ 13 ປີ 2014 ນີ້, ຂໍແຈ້ງຂ່າວມາຍັງອົງການຈັດຕັ້ງພາກລັດ, ອົງການຈັດຕັ້ງສາກົນ, ບັນດາທຸຕານຸທູດ, ສະມາຊິກ ສຫລ ທີ່ຢູ່ໃນນະຄອນ ຫຼວງວຽງຈັນ ແລະ ຕ່າງແຂວງ, ຊາວຊ່າງຫັດຖະກຳລາວໃນ ທົ່ວປະເທດ, ບັນດາກຸ່ມສະ ມາຄົມທຸລະກິດ, ພໍ່ແມ່ປະຊາຊົນ; ຕະຫຼອດຮອດສື່ມວນຊົນທັງພາຍໃນ ແລະ ຕ່າງປະ ເທດໃຫ້ຮູ້ວ່າ: ງານມະຫາກຳສີ ມືຫັດຖະກຳລາວໄດ້ໝູນວຽນ ມາຄົບຮອບ 13 ປີ ຊຶ່ງຈະໄດ້ ຈັດຂຶ້ນໃນວັນທີ 13-19 ຕຸລາ 2014 ທີ່ສູນການຄ້າລາວ - ໄອເຕັກ ນະຄອນຫຼວງວຽງຈັນ.