ຜູ້ຕາງໜ້າອົງການ ສປຊ ເພື່ອການພັດທະນາ ປະຈຳ ສປປ ລາວ ເຂົ້າຢ້ຽມຂ່ຳນັບຮອງລັດຖະມົນຕີ ກະຊວງຖວທ

ໃນວັນທີ 15 ສິງຫາ  2019, ທ່ານສະຫວັນຄອນ ຣາຊມຸນຕີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຕ້ອນຮັບ ທ່ານ ນາງ ຣິຄາດ້າ ຣິກເຈີ້ ຜູ້ຕາງໜ້າອົງການ ສປຊ ເພື່ອການພັດທະນາ ປະຈຳ ສປປ ລາວ ເຂົ້າຢ້ຽມຂ່ຳນັບໃນໂອກາດທີ່ທ່ານໄດ້ມາຮັບຕຳແໜ່ງໃໝ່. ໃນການພົບປະໃນຄັ້ງນີ້,

ທັງສອງຝ່າຍໄດ້ໂອລົມ ແລະ ປຶກສາຫາລືກ່ຽວກັບການຮ່ວມມືລະຫວ່າງ ກະຊວງ ຖວທ ກັບອົງການ ສປຊ ເພື່ອການພັດທະນາເວົ້າລວມ, ເວົ້າສະເພາະ ການຈັດຕັ້ງປະຕິບັດໂຄງການ “ສະໜັບສະໜູນການມີສ່ວນຮ່ວມຂອງປະຊາຊົນຜ່ານວິທະຍຸຊຸມຊົນ” ທີ່ໄດ້ຮັບການສະໜັບສະໜູນໂດຍອົງການ ສປຊ ເພື່ອການພັດທະນາ ປະຈຳ ສປປ ລາວ ໂດຍມອບໃຫ້ ກົມສື່ມວນຊົນ, ກະຊວງ ຖວທ ເປັນຜູ້ຈັດຕັ້ງປະຕິບັດ. ໃນໂອກາດນີ້ ທັງສອງຝ່າຍຍັງໄດ້ປຶກສາຫາລືກ່ຽວກັບການຮ່ວມມືກັນໃນອານາຄົດຕື່ມອີກ.