ອົງຄະນະພັກກະຊວງ ຖວທ ດໍາເນີນກອງປະຊຸມສາມັນຄົບຄະນະຄັ້ງທີ 16 (ສະໄໝທີ IV)

ກອງປະຊຸມສາມັນຄົບຄະນະຄັ້ງທີ 16 (ສະໄໝທີ IV) ຂອງອົງຄະນະພັກກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ ໄຂຂຶ້ນ ໃນວັນທີ 24 ມິຖຸນາ 2019 ພາຍໃຕ້ການເປັນປະທານຂອງ ສະຫາຍ ສຈ ດຣ ບໍ່ແສງຄໍາ ວົງດາລາ, ກໍາມະການສູນກາງພັກ, ເລຂາ ຄະນະພັກກະຊວງ ລັດຖະມົນຕີກະຊວງ ຖວທ.

 

ກອງປະຊຸມໄດ້ຜ່ານຮ່າງບົດສະຫລຸບຕີລາຄາວຽກງານ 6 ເດືອນຕົ້ນປີ ແລະ ທິດທາງແຜນການໃນ 6 ເດືອນ ທ້າຍປີ; ຄົ້ນຄວ້າວຽກ ງານກົງຈັກ, ພັກ-ພະນັກງານ, ອົງການຈັດຕັ້ງມະຫາຊົນ ແລະ ການກະກຽມດໍາເນີນກອງປະຊຸມໃຫຍ່ໜ່ວຍພັກ, ຮາກຖານພັກ ແລະ ວຽກງານສໍາຄັນອື່ນໆ...
ກອງປະຊຸມໄດ້ເປັນເອກະພາບກັນເພີ່ມທະວີຄວາມສາມັກຄີທົ່ວອົງຄະນະພັກ ແລະ ເຊີດຊູຄວາມຮັບຜິດການເມືອງເພື່ອນໍາພາຂະ ບວນການໃນຂົງເຂດຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຈັດຕັ້ງປະຕິບັດມະຕິຂອງກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິຂອງກອງປະຊຸມໃຫຍ່ຄັ້ງທີ IV ຂອງອົງຄະນະພັກກະຊວງ ຖວທ ໃຫ້ສໍາເລັດຜົນຕາມແຜນການ.