ພິທີມອບ-ຮັບເຄື່ອງຊ່ວຍເຫຼືອໄພພິບັດ

ເພື່ອຮັບໃຊ້ວຽກງານໂຄສະນາໄພພິບັດຢູ່ເມືອງສະໜາມໄຊ, ແຂວງອັດຕະປື, ໃນຕອນເຊົ້າຂອງວັນທີ 01/08/2018, ທ່ານ ປອ. ຫົງຄຳ ສຸວັນນະວົງ ອຳນວຍການໃຫຍ່ ໂທລະພາບ ທີວີລາວ ໄດ້ເຂົ້າມອບອຸປະກອນຮັບສັນຍານໂທລະພາບ ຈຳນວນ 10 ຊຸດ ແລະ ໂທລະພາບ 32ນິ້ວ ຈຳນວນ 02 ໜ່ວຍ ລວມເປັນມູນຄ່າ 12.000.000 ກີບ ຕາງໜ້າຮັບໂດຍ ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.

ເຄື່ອງເລົ່ານີ້ແມ່ນຈະໄປຕິດຕັ້ງທີ່ສູນຕ່າງໆ 06ສູນ ລວມທັງບ້ານທີ່ຖືກປະສົບໄພ ເພື່ອໃຫ້ປະຊາຊົນໄດ້ຕິດຕາມ ແລະ ຮັບຂໍ້ມູນຂ່າວສານເປັນແຕ່ລະໄລຍະ.