ມະຫາກຳກິລາ ແຫ່ງຊາດຄັ້ງທີ XI ຕ້ອງເນັ້ນປະຢັດແຕ່ມີຄຸນນະພາບສູງ

ຂປລ. ກອງປະ ຊຸມວິສາມັນ ຂອງຄະນະຮັບຜິດຊອບ ລະດັບຊາດ ຈັດມະຫາກຳກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ ເປັນເຈົ້າພາບ ໃນວັນທີ 2 ເມສາ 2018 ພາຍໃຕ້ການເປັນປະທານ ຮ່ວມຂອງທ່ານ ບຸນຕົ້ນ ຈັນທະພອນ ຮັກສາການ ເລຂາພັກແຂວງ ເຈົ້າແຂວງ ຊຽງຂວາງ, ແລະ ທ່ານນາງ ແສງເດືອນ ຫລ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ, ມີບັນດາອະນຸກຳມະການຕ່າງໆ ໃນການຈັດງານ ມະຫາກຳກິລາເຂົ້າຮ່ວມ ນັ້ນປະທານກອງປະຊຸມ ໄດ້ເນັ້ນໜັກວ່າ:

ການຈັດມະຫາກຳກິລາແຫ່ງຊາດ ຄັ້ງນີ້ ຕ້ອງເນັ້ນປະຢັດ ແຕ່ມີຄຸນນະພາບສູງ, ສ້າງຄວາມສາມັກຄີ ໂຄສະນາ ຮີດຮອງປະເພນີ ວັດທະນະທຳອັນດີງາມ ຂອງຊາດ ໂດຍສະເພາະ ແມ່ນວັດທະນະທຳ ຊາວຊຽງຂວາງ ຄວາມດຸໝັ່ນ ຂະຫຍັນພຽນ ມູນເຊື້ອ ອັນພິລະອາດຫານ ແຂວງວິລະຊົນ ໃຫ້ບັນດາແຂວງ ແລະ ຊາວໂລກໄດ້ຮັບຮູ້.
ພ້ອມນີ້, ກອງປະຊຸມ ຍັງໄດ້ຮັບຟັງ ການລາຍງານ ຄວາມຄືບໜ້າ ການກະກຽມຄວາມພ້ອມດ້ານຕ່າງໆ ໃຫ້ແກ່ມະຫາກຳກິລາແຫ່ງຊາດຄັ້ງນີ້ ສຳເລັດຫລາຍດ້ານ ເປັນຕົ້ນ ດ້ານ ພື້ນຖານໂຄງລ່າງ ສະໜາມເປີດ-ປິດສຳເລັດແລ້ວ 75%, ສະເພາະ ສະໜາມ-ສະໂມສອນ ທີ່ພາກເອກະຊົນ ລົງທຶນນັ້ນມີ 7 ແຫ່ງຄື: ສະໜາມໂບລິ້ງ ສຳເລັດແລ້ວ 100%, ສະໜາມກ໊ອບສຳເລັດ 95%, ສະໜາມ ໜາມບານສົ່ງ75%, ສະໜາມເປຕັງ 34%, ສະໜາມ ຍິງປືນ 45%, ສະໂມສອນ ກິລາສະນຸກເກີ 42% ແລະ ສະໜາມມວຍລາວ ກຳລັງກໍ່ສ້າງສະໜາມທີ່ສະເໜີສ້າງໃໝ່ ລວມມີສະໜາມບານບ້ວງ, ເທັນນິດ, ລະບົບໄຟຟ້ານ້ຳປະປາ, ໄຟເຍືອງທາງ ເຂົ້າຫາສະໜາມກິລາເປີດ-ປິດ, ການບູລະນະສ້ອມແປງ ບັນດາສະໂມສອນ ຂອງ ພະແນກການ, ກົມກອງ ແລະ ສະຖານທີ່ ຕ່າງໆ ຈຳນວນ 11 ແຫ່ງ, ການກໍ່ສ້າງເສັ້ນທາງ ເພື່ອເຊື່ອມຈອດເຂົ້າສູ່ ສະໜາມເປີດ-ປິດ ມີຄວາມຍາວ 8,6 ກິໂລແມັດ ກໍ່ສ້າງສຳເລັດແລ້ວ 45%, ກໍ່ສ້າງຂົວຂ້າມນ້ຳ ໂຄ້ເຂົ້າຫາ ສະໜາມເປີດ-ປິດສຳເລັດແລ້ວ 39,2% ແລະ ສະຖານທີ່ພັກຮ້ານອາຫານມີ.