ກະຊວງ ຖວທ ເປີດກອງປະຊຸມວຽກງານ ກວດກາປະຈຳປີ

ກອງປະຊຸມວຽກງານ ກວດກາ ປະຈຳປີ 2017 ກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ (ຖວທ) ໄດ້ຈັດຂຶ້ນເມື່ອວັນທີ 26 ມີນາ ທີ່ຫໍວັດທະນະທຳແຫ່ງຊາດ ໂດຍໃຫ້ກຽດເຂົ້າຮ່ວມ ຂອງ ທ່ານ ບໍ່ແສງຄຳ ວົງດາລາ ກຳ ມະການສູນກາງພັກ ລັດຖະມົນ ຕີກະຊວງຖະແຫຼງຂ່າວ, ວັດ ທະນະທຳ ແລະ ທ່ອງທ່ຽວ, ທ່ານ ສຸກຄຳເພັດ ເຮືອງບຸດສີ ຄະນະປະຈຳພັກ ຮອງຄະນະ ກວດກາສູນກາງພັກ ຮອງອົງ ການກວດກາລັດຖະບານ, ຮອງປະທານອົງການຕ້ານ ການສໍ້ລາດບັງຫຼວງ ມີຄະນະ ພັກກະຊວງ, ເລຂາຄະນະພັກ ຮາກຖານ, ເລຂາຄະນະໜ່ວຍ ພັກ, ປະທານກວດກາຄະນະ ພັກຮາກຖານ, ຄະນະໜ່ວຍ ພັກ ແລະ ປະທານກວດກາອົງ ການຈັດຕັ້ງມະຫາຊົນກະຊວງ ເຂົ້າຮ່ວມ.

ກອງປະຊຸມຄັ້ງນີ້ ໄດ້ສະ ຫຼຸບຕີລາຄາການເຄື່ອນໄຫວ ແລະ ຈັດຕັ້ງປະຕິບັດວຽກງານ ກວດກາໃນໜຶ່ງປີທີ່ຜ່ານມາ ແລະ ວາງທິດທາງແຜນການ ວຽກງານກວດກາປີ 2018, ໃນ ນັ້ນໄດ້ເຊື່ອມຊຶມເອກະສານ ກ່ຽວກັບວຽກງານກວດກາຄື: ບົດແນະນຳເພີ່ມເຕີມ ເລກທີ 04 ຂອງຄະນະກວດກາສູນ ກາງພັກກ່ຽວກັບສິດຕົກລົງວິ ໄນຂັ້ນກ່າວເຕືອນ, ປ່ຽນແປງ ຫຼື ລຶບລ້າງຮູບການວິໄນຂອງ ຄະນະກວດກາພັກຂັ້ນເມືອງ ແລະ ທຽບເທົ່າຂຶ້ນໄປ, ຂໍ້ກຳ ນົດເລກທີ 05 ຂອງຄະນະກວດ ກາສູນກາງພັກ ວ່າດ້ວຍການ ຕິດຕາມ, ກວດກາຈັດຕັ້ງປະຕິ ບັດຜົນການກວດກາ, ບົດແນະ ນຳເລກທີ 27 ຂອງອົງການ ກວດກາລັດຖະບານກ່ຽວກັບ ການດຳເນີນຄະດີການສໍ້ລາດ ບັງຫຼວງ, ບົດແນະນຳເລກທີ 36 ຂອງອົງການກວດກາລັດ ຖະບານກ່ຽວກັບການກວດກາ ຕາມຜົນຂອງການກວດສອບ, ຮັບຟັງບົດສະຫຼຸບຫຍໍ້ການ ເຄື່ອນໄຫວວຽກງານກວດກາ ທົ່ວປະເທດ ປະຈຳປີ 2017 ແລະ ທິດທາງແຜນການ ປະ ຈຳປີ 2018 ຂອງຄະນະກວດ ກາສູນກາງພັກ, ບົດໂອ້ລົມຂອງ ທ່ານ ບຸນທອງ ຈິດມະນີ ກຳມະການກົມການເມືອງສູນ ກາງພັກ ເລຂາທິການສູນກາງ ພັກ ຮອງນາຍົກລັດຖະມົນຕີ ປະທານຄະນະກວດກາສູນ ກາງພັກ, ປະທານອົງການກວດ ກາລັດຖະບານ ແລະ ຫົວໜ້າ ອົງການຕ້ານການສໍ້ລາດບັງ ຫຼວງຂັ້ນສູນກາງຕໍ່ກອງປະຊຸມ ວຽກງານກວດກາທົ່ວປະເທດ ປີ 2017, ຈາກນັ້ນ ບັນດາຜູ້ ເຂົ້າຮ່ວມໄດ້ພ້ອມກັນ ຍົກສູງ ຄວາມຮັບຜິດຊອບ, ສຸມສະຕິ ປັນຍາ, ຄົ້ນຄວ້າປະກອບຄຳ ຄິດເຫັນຢ່າງກົງໄປກົງມາ, ພາ ວະວິໄສ, ຖືກຕ້ອງ ແນໃສ່ເພື່ອ ເຮັດແນວໃດໃຫ້ວຽກງານດັ່ງ ກ່າວກ້າວໄປໃນການຈັດຕັ້ງ ປະຕິບັດໃຫ້ມີຜົນສຳເລັດດີຂຶ້ນ ເປັນກ້າວໆ. ໃນໂອກາດດັ່ງກ່າວ ທ່ານ ບໍ່ແສງຄຳ ວົງດາລາ ໄດ້ໃຫ້ການ ໂອ້ລົມຕໍ່ກອງປະຊຸມ ຊຶ່ງໄດ້ສະ ແດງຄວາມຍ້ອງຍໍຊົມເຊີຍ ຄະນະກວດກາແຕ່ລະຂັ້ນທີ່ ໄດ້ເອົາໃຈໃສ່ເຄື່ອນໄຫວວຽກ ງານອັນພົ້ນເດັ່ນໃນໄລຍະ ຜ່ານມາ ແລະ ເພື່ອເປັນທິດ ນຳໃນການຈັດຕັ້ງປະຕິບັດ ວຽກງານຕິດຕາມ, ກວດກາຕໍ່ ການນຳພາ-ຄຸ້ມຄອງວຽກງານ ຖວທ ໃຫ້ມີຜົນສຳເລັດຄະນະ ພັກ, ຄະນະກວດກາ ແຕ່ລະ ຂັ້ນເອົາໃຈໃສ່ວຽກງານສຶກສາ ອົບຮົມການເມືອງ-ແນວຄິດ ຂອງສະມາຊິກພັກ, ພະນັກ ງານເປັນກົກ, ໃຫ້ຈັດຕັ້ງເຊື່ອມ ຊຶມບັນດາເອກະສານກ່ຽວກັບ ວຽກງານກວດກາ, ການກວດ ກາໂຄງການລົງທຶນຂອງລັດ ເລີ່ມແຕ່ຫົວທີເປັນວຽກໜຶ່ງ ທີ່ ມີຄວາມຈຳເປັນເພື່ອຕິດຕາມ ກວດກາໃນແຕ່ລະໄລຍະ ແນ ໃສ່ເພື່ອສະກັດກັ້ນ ແລະ ຕ້ານ ການລະເມີດລະບຽບ, ກົດໝາຍ ໃນຂົງເຂດການລົງທຶນກໍ່ສ້າງ ພື້ນຖານໂຄງລ່າງຂອງລັດຖະ ບານ ສະນັ້ນ ຄະນະພັກ, ຄະ ນະກວດກາ ກໍຄືກົມກວດກາ ເອົາໃຈໃສ່ຕິດຕາມ, ກວດກາ ຈັດຕັ້ງປະຕິບັດແຜນພັດທະ ນາ ແລະ ແຜນການລົງທຶນ ຂອງລັດຖະບານ ປະຈຳປີ 2018 ໃຫ້ດີ, ລວມທັງທຶນຊ່ວຍ ເຫຼືອຂອງຕ່າງປະເທດ ແລະ ອົງການສາກົນ ທີ່ຊ່ວຍເຫຼືອ ຂະແໜງ ຖວທ ພວກເຮົາ, ສິ່ງ ສຳຄັນຄະນະພັກ, ກວດກາແຕ່ ລະຂັ້ນໃຫ້ນຳເອົາບົດໂອ້ລົມ ຂອງທ່ານ ບຸນທອງ ຈິດມະນີ ນຳໄປຄົ້ນຄວ້າ, ຜັນຂະຫຍາຍ ແລະ ຈັດຕັ້ງປະຕິບັດ ພ້ອມ ທັງເນື້ອໃນຄາດໝາຍຕ່າງໆ ທີ່ກອງປະຊຸມຄັ້ງນີ້ ໄດ້ກຳນົດໄວ້.