ພາຍໃຕ້ການເປັນປະທານອາຊຽນຂອງສິງກະໂປ 2018 ບັນດາກອງປະຊຸມທີສຳຄັນ ກອງປະຊຸມສຸດຍອດອາຊຽນຄັ້ງທີ 32&33 ແລະ ກອງປະຊຸມຂັ້ນລັດຖະມົນຕີບັນດາເສົາຄຳ້ຂອງອາຊຽນ ແລະ ກ່ຽວຂ້ອງຕ່າງໆຈະໄດ້ຈັດຂຶ້ນທີ່ປະເທດສິງກະໂປ.

ໃນວັນທີ 21 ມີນາ 2018 ທີ່ ໂຮງແຮມ ສະວິດສໂຊເທວ ປະເທດສິງກະໂປ ບັນດາລັດຖະມົນຕີ-ຮອງລັດຖະມົນຕີ, ເຈົ້າຫນ້າທີອາວຸໂສ ແລະ ບັນດາຜູ້ແທນກ່ຽວຂ້ອງຈາກບັນດາປະເທດສະມາຊິກອາຊຽນ ມີທ່ານ ເລຂາທິການໃຫຍ່ອາຊຽນ ທ່ານ Lim Jock Hoi ແລະ ທ່ານຮອງເລຂາທິການໃຫຍ່ຜູ້ຮັບຜິດຊອບວຽກດັ່ງກ່າວ ໄດ້ພົບປະກັນ ທີກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 19 “19th Meeting of The ASEAN Socio-Cultural Community (ASCC) Council (ຮອບທຳອິດ) ແລະ ກອງປະຊຸມກ່ຽວຂ້ອງ ຄະນະຜູ້ແທນລາວນຳໂດຍ ທ່ານ ສະຫວັນຄອນ ລາຊມຸນຕີ, ຮອງລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມີເຈົ້າຫນ້າທີອາວຸໂສຜູ້ຮັບຜິດຊອບວຽກງານວັດທະນະທຳ-ສັງຄົມ (SOCA) ພ້ອມດ້ວຍຄະນະເຂົ້າຮ່ວມ.

 

ພາຍໃຕ້ການເປັນປະທານກອງປະຊຸມດັ່ງກ່າວປີນີ້ ຂອງສິງກະໂປ ໂດຍສະເພາະ ພາຍໃຕ້ການເປັນປະທານຂອງທ່ານ ເດມອນ ລີ, ລັດຖະມົນຕີພັດທະນາສັງຄົມ ແລະ ສະຖານບັນຄອບຄົວ ປະເທດສິງກະໂປ ໄດ້ຈັດໃຫ້ມີກອງປະຊຸມວົງແຄບບັນດາລັດຖະມົນຕີສະພາວັດທະນະທຳສັງຄົມອາຊຽນ “ASEAN Ministerial Retreat on Culture of Prevention ຫລື CoP” ແຜນວຽກດັ່ງກ່າວນີ້ໄດ້ຖືກນຳສະເຫນີໂດຍເພື່ອຫາລືສະເພາະກ່ຽວກັບການສືບຕໍ່ການຮ່ວມມືກັນ ແລະ ຄົ້ນຄວ້າບັນດານະໂຍບາຍຍຸດທະສາດ ແລະ ກິດຈະກຳຈັດຕັ້ງຕົວຈິງຕ່າງໆເພື່ອຜັນຂະຫຍາຍໄດ້ຖະແຫຼງການວ່າດ້ວຍວັດທະນະທຳແຫ່ງການປົກປ້ອງ-ປ້ອງກັນເຫດ “ ASEAN Declaration on Culture of Prevention for Peaceful, Inclusive, Resilient, Healthy and Harmonious Society” ທີ່ໄດ້ຖືກຮັບຮອງໂດຍບັນດາຜູ້ນຳອາຊຽນທີ່ກອງປະຊຸມອາຊຽນຄັ້ງທີ 31 ປະເທດຟິລິປິນ ໃຫ້ປາກົດຜົນເປັນຈິງ.

ຫລັງຈາກນັ້ນ, ບັນດາລັດຖະມົນຕີຜູ້ຮັບຜິດວຽກງານສະພາວັດທະນະ ທຳ-ສັງຄົມອາຊຽນດັ່ງກ່າວ ກໍ່ໄດ້ສືບຕໍ່ເຂົ້າຮ່ວມປະຊຸມສະພາປະຊາຄົມວັດທະນະທຳ-ສັງຄົມອາຊຽນຄັ້ງທີ 19 ເພື່ອຮັບຟັງລາຍງານກ່ຽວກັບການຈັດຕັ້ງວຽກງານຂອງບັນບັນດາຂະແຫນງການພາຍໃຕ້ເສົາຄຳ້ວັດທະນະທຳ-ສັງຄົມອາຊຽນ ແລະ ຮັບຊາບວຽກງານບຸລິມະສິດພາຍໃຕ້ການເປັນປະທານອາຊຽນຂອງຕະຫລອດປີ 2018 ຂອງສິງກະໂປ ພາຍໃຕ້ຄຳຂວັນ “Singapore 2018 Resilient and Innovative” ກອງປະຊຸມຄັ້ງທີ 19 ດັ່ງກ່າວ ໄດ້ເຫັນດີຮັບຮອງເອົາ ແຜນປະຕິບັດງານພາກພື້ນຂອງຖະແຫລງການວຽງຈັນວ່າດ້ວຍການຫັນການຈ້າງງານນອກລະບົບໄປສູ່ໃນລະບົບໃນອາຊຽນ ຊຶ່ງຈະເປັນເອກະສານດຽວທີ່ຈະຖືກຮັບຮອງຈາກກອງປະຊຸມນີ້ ເພື່ອສະເຫນີໃຫ້ບັນດາຜູ້ນຳອາຊຽນຮັບຊາບໃນກອງປະຊຸມສຸດຍອດອາຊຽນຄັ້ງທີ 32 ໃນລະຫວ່າງ 24-28 ເດືອນເມສາ 2018 ນີ້.