ທ່ານ ຮອງນາຍົກ ລັດຖະມົນຕີ ສອນໄຊ ສີພັນດອນ ຕາງໜ້າລັດຖະບານ ສປປ ລາວ ຮັບໃບຢັ້ງຢືນເອົາສຽງແຄນລາວເປັນມໍລະດົກໂລກດ້ານດົນຕີ.

ໃນຕອນແລງວັນທີ14 ມີນາ 2018ນີ້ ທີ່ສຳນັກງານໃຫຍ່ອົງການສະຫະປະຊາຊາດດ້ານການສຶກສາ, ວິທະຍາສາດ ແລະ ວັດທະນະທຳ ຫຼື ອົງການ ຢູເນສໂກ ປະເທດຝຣັ່ງ, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີໄດ້ໃຫ້ກຽດຕາງໜ້າລັດຖະບານລາວຮັບເອົາໃບຢັ້ງຢືນສຽງແຄນລາວເປັນມໍລະດົກໂລກຈາກທ່ານ ນາງ ໂອເຄຼ ອາຊູເລ ເອກອະທິບໍດີ ອົງການ ຢູເນສໂກ ໂດຍມີທ່ານ ບໍແສງຄຳ ວົງດາລາ ລັດຖະມົນຕີ ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເຂົ້າຮ່ວມນຳ.