ເມືອງເມິງ ຍົກເທດສະການຫວາຍຫລວງເປັນກິດຈະກໍາປີທ່ອງທ່ຽວລາວ

ໃນວັນທີ 24-25 ກຸມພາ 2018 ຜ່ານມານີ້, ຄະນະນຳ ເມືອງເມິງ ແຂວງບໍ່ແກ້ວ ໄດ້ຈັດງານ ເທດສະການຫວາຍຫລວງຂຶ້ນ ເພື່ອເປັນການສົ່ງເສີມທ່າແຮງ ການທ່ອງທ່ຽວຂອງເມືອງ ແລະ ຕິດພັນກັບ ປີທ່ອງທ່ຽວລາວ 2018. ຖືເອົາການທ່ອງທ່ຽວເປັນປາຍແຫລມ ໃນການພັດທະນາ ເສດຖະກິດ-ສັງຄົມຂອງເມືອງ.

ທ່ານ ສົມສັກ ປິ່ນແກ້ວ ເຈົ້າເມືອງໆ ເມິງໄດ້ກ່າວວ່າ: ການຈັດເທສະການຫວາຍຫລວງໃນຄັ້ງນີ້ ນອກຈາກເປັນການສົ່ງເສີມ ການທ່ອງທ່ຽວແລ້ວ ຍັງເປັນການຮັກສາ ວັດທະນະທໍາ, ຮີດຄອງປະເພນີອັນດີງາມ ຂອງເຜົ່າທີ່ເປັນເອກະລັກ ສະເພາະຂອງເມືອງໄວ້ ໃຫ້ແຂກຕ່າງບ້ານຕ່າງເມືອງໄດ້ເຂົ້າມາຊົມ ແລະ ຊຶມຊັບເອົາວັດທະນະທໍາອັນດີງາມນີ້ ພ້ອມທັງເປັນການເອກອ້າງ ໃຫ້ສັງຄົມ ໄດ້ຮັບຮູ້ເຖິງສິ່ງທີ່ພົ້ນເດັ່ນ ຂອງເມືອງຕື່ມອີກ.
ປີ 2018 ເປັນປີທ່ອງທ່ຽວລາວ ເຊິ່ງບັນດາແຂວງຕ່າງໆ ກໍໄດ້ຈັດຫລາຍໆ ກິດຈະກໍາທີ່ເປັນທ່າ ແຮງ ໃຫ້ແກ່ການທ່ອງທ່ຽວຂອງລາວ. ສະເພາະເມືອງເມິງ ກໍໄດ້ຈັດຫລາຍກິດຈະ ກໍາສົ່ງເສີມ ການທ່ອງທ່ຽວ ເປັນຕົ້ນແມ່ນບຸນປະເພນີ ຂອງບັນດາເຜົ່າພາຍ ແລະ ການຈັດເທດສະການ ຫວາຍຫລວງ ແລະ ອື່ນ.