ຫົວໜ້າຄະນະໂຄສະນາອົບຮົມ ຕ້ອນຮັບປະທານສຳນັກຂ່າວສານຊິນຮວາ

ຂປລ.ໃນຕອນເຊົ້າຂອງວັນທີ 2 ກຸມພາ 2018, ທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ ຫົວໜ້າຄະນະໂຄສະນະອົບຮົມສູນກາງພັກ ປປ ລາວ ໄດ້ໃຫ້ກຽດຕ້ອນຮັບທ່ານ ທ່ານ ໄຈ ມີງເຈົ້າ ກຳມະການສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກ ກອມມູນິດຈີນ ພ້ອມດ້ວຍຄະນະ ທີ່ໂຮງແຮມແລນມາກ ນະຄອນຫລວງວຽງຈັນ. ໂອກາດເຂົ້າ ຮ່ວມ ເວທີປຶກສາ ຫາລືການຮ່ວມມື ຂອບ ໜຶ່ງແລວ ໜຶ່ງແລວ ໜຶ່ງເສັ້ນທາງ.

ໂອກາດນີ້, ທ່ານ ຫົວໜ້າຄະນະໂຄສະນາອົບຮົມສູນກາງພັກ ປປ ລາວ ໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ຮອງຫົວໜ້າຄະນະໂຄສະນາ ອົບຮົມສູນກາງພັກ ກອມມູນິດຈີນ ທີ່ໄດ້ຮ່ວມມືກັບ ສຳນັກຂ່າວ ສານປະເທດລາວ ດຳເນີນເວທີປຶກສາຫາລື ໜຶ່ງແລວ ໜຶ່ງເສັ້ນທາງ ໃນຄັ້ງນີ້ ເຊິ່ງເປັນການປະກອບສ່ວນສຳຄັນ ໃນການຈັດຕັ້ງຜັນຂະຫຍາຍຂໍ້ລິເລີ່ມ ການຮ່ວມມືຮອບດ້ານ ລະຫວ່າງ ສອງປະເທດລາວ-ຈີນ ໂດຍສະເພາະຍຸດທະສາດ ການຫັນປະເທດທີ່ບໍ່ມີ ຊາຍແດນຕິດກັບທະເລ ໃຫ້ກາຍເປັນປະເທດເຊື່ອມຈອດ ເຊື່ອມໂຍງກັບ ພາກພື້ນ ແລະ ສາກົນ. ເຊື່ອໝັ້ນວ່າ ກອງປະຊຸມຄັ້ງນີ້ ຈະດຳເນີນໄປດ້ວຍ ຜົນສຳເລັດອັນຈົບງາມ.
ທ່ານ ໄຈ ມີງເຈົ້າ ກໍໄດ້ສະແດງຄວາມຂອບໃຈ ຕໍ່ທ່ານ ກິແກ້ວ ໄຂຄຳພິທູນ ທີ່ໄດ້ໃຫ້ການຕ້ອນຮັບອັນອົບອຸ່ນ ແລະ ໃຫ້ກຽດເຂົ້າຮ່ວມເວທີ ອັນມີຄວາມໝາຍສຳຄັນ ໃນຄັ້ງນີ້ ເຊິ່ງເປັນ ການຊຸກຍູ້ ແລະ ຜັນຂະ ຫຍາຍຜົນສຳເລັດ ການຢ້ຽມຢາມ ສປປ ລາວ ຂອງສະຫາຍເລຂາທິການໃຫຍ່ ສີ ຈິ້ນຜິງ ໃນທ້າຍປີ 2017 ຜ່ານມາ, ທັງເປັນການຮັດແໜ້ນ ສາຍພົວພັນມິດຕະພາບ ອັນເປັນມູນເຊື້ອ, ຄູ່ຮ່ວມມືຍຸດ ທະສາດຮອບດ້ານ ແລະ ໝັ້ນຄົງຍາວນານ.