ລາວພົບ 2 ກໍລະນີ ຜູ້ຕິດເຊື້ອພະຍາດ ໂຄວິດ-19

ຖະແຫຼງຂ່າວຄັ້ງຫຼ້າສຸດ ໃນວັນທີ24 ມີນານີ້ທີ່ກະຊວງ ສາທາລະນະສຸກ, ທ່ານ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ພ້ອມຄະນະ ໄດ້ຖະແຫຼງໃຫ້ຮູ້ວ່າ: ເມື່ອເວລາ 21:00 ໂມງ ຂອງ ວັນທີ23 ມີນາ ຜ່ານມາ ມີຜົນັ້ງຢືນຈາກຫ້ອງວິເຄາະວ່າ ພົບເຊື້ອພະຍາດ ໂຄວິດ-19 ຈຳນວນ 2 ກໍລະນີ. ຜູ້ທີ1 ແມ່ນເພດຍິງ ອາຍຸ36 ປີເປັນ ຄົນສັນຊາດລາວ ອາຊີບເປັນ ຜູ້ນຳທ່ຽວໃຫ້ນັກທ່ອງທ່ຽວ ຕ່າງປະເທດ. ຜູ້ທີ2 ແມ່ນເພດ ຊາຍ ອາຍຸ28 ປີສັນຊາດລາວ ເປັນພະນັກງານຢູ່ໂຮງແຮມ ຄຣາວພາຊາ ຊຶ່ງຜູ້ກ່ຽວໄດ້ໄປ ປະຊຸມຢູ່ບາງກອກ ປະເທດໄທ ກັບມາ.

ປັດຈຸບັນທັງ 2 ຄົນໄດ້ຮັບ ການປິ່ນປົວຢູ່ໂຮງໝໍມິດຕະພາບ (150 ຕຽງ) ຊຶ່ງສະພາບ ອາການທົ່ວໄປແມ່ນຍັງຢູ່ໃນອາ ການດີບໍ່ທັນເຖິງຂັ້ນຮຸນແຮງ ແລະໄດ້ຮັບການເອົາໃຈໃສ່ຕິດ ຕາມຢ່າງໃກ້ຊິດຈາກທີມງານ ແພດໝໍ. ສ່ວນການເກັບຂໍ້ມູນ ລາຍລະອຽດການເດີນທາງ ຂອງທັງສອງຄົນນັ້ນ,ພາກສ່ວນ ກ່ຽວຂ້ອງໄດ້ເກັບກຳຂໍ້ມູນ ແລະ ລົງເລິກລະອຽດ ເພື່ອປະຕິບັດຕາມມາດຕະການຕາມແຕ່ ລະບັນຫາເຊັ່ນ: ຜູ້ໃກ້ຊິດ, ສະຖານ ທີ່ພັກເຊົາ, ສະຖານທີ່ ເຮັດວຽກ ແລະ ບ່ອນທີ່ໄປ-ມາ ຊຶ່ງເບື້ອງຕົ້ນຂອງຜູ້ທີ1 ໄດ້ນໍາພານັກທ່ອງທ່ຽວເຂົ້າມາລາວ ແຕ່ວັນທີ7 ມີນາ ມາຮອດນະ ຄອນຫຼວງວຽງຈັນ ຜ່ານທາງ ສະໜາມບິນສາກົນວັດໄຕ ຊຶ່ງໃນວັນທີ 8 ໄດ້ໄປທ່ຽວວັດຊຽງ ຄວນ ແລ້ວເດີນທາງໄປທ່ຽວທີ່ ວັງວຽງ ແຂວງວຽງຈັນ, ຕອນ ບ່າຍວັນທີ 9 ໄດ້ເດີນທາງ ໄປຫຼວງພະບາງ ແລະ ທ່ຽວຢູ່ ບ່ອນນັ້ນຮອດວັນທີ 10 ແລະ ວັນທີ11ມີນາຜູ້ກ່ຽວໄດ້ສົ່ງນັກ ທ່ອງທ່ຽວໄປປະເທດກຳປູເຈຍ. ສ່ວນຜູ້ທີ2 ຢູ່ໃນຂັ້ນເກັບກໍາຂໍ້ ມູນລະອຽດຈະແຈ້ງຕື່ມ.

ຂະນະທີ່ກ ານກັບມາ ຂອງແຮງງານລາວທີ່ມາຈາກ ປະເທດເພື່ອນບ້ານ ລວມ 10 ດ່ານ, ມີຜູ້ເຂົ້າມາຈຳນວນ 26.328 ຄົນ ຊຶ່ງພາກສ່ວນ ກ່ຽວຂ້ອງໄດ້ປະຕິບັດມາດຕະ ການກວດເຊັກອຸນຫະພູມ ຜູ້ ເດີນທາງເຂົ້າມາຢ່າງເຂັ້ມງວດ, ກັນກອງຫາຜູ້ມີອາການໄຂ້ ແລະ ໄດ້ພົບຜູ້ມີໄຂ້131 ຄົນ ສົງໄສກໍລະນີຕິດເຊື້ອພະຍາດ ໂຄວິດ-19 ຊຶ່ງວັນທີ23 ມີນາ ໄດ້ເກັບຕົວຢ່າງ 14 ກໍລະນີ (ແຂວງຈໍາປາສັກ 7 ກໍລະນີ, ຄໍາມ່ວນ 1 ກໍລະນີ, ສະຫວັນ ນະເຂດ 1, ສາລະວັນ 2, ໄຊ ຍະບູລີ1 ແລະ ນະຄອນຫຼວງ ວຽງຈັນ 2 ກໍລະນີ). ໃນ 2 ກໍລະ ນີທີ່ນະຄອນຫຼວງວຽງຈັນນີ້ກໍ ແມ່ນຜູ້ທີ່ພາກສ່ວນກ່ຽວຂ້ອງ ກວດພົບວ່າຕິດເຊື້ອພະຍາດ ດັ່ງກ່າວ.

ສ່ວນສະພາບການ ລະບາດຂອງພະຍາດໂຄວິດ -19 ປັດຈຸບັນໄດ້ລະບາດໃນ 194 ປະເທດໃນທົ່ວໂລກ ແລະ ມີກໍລະນີຕິດເຊື້ອທັງໝົດ 377.896 ກໍລະນີ, ເສຍຊີວິດ 16.492ກໍລະນີ,ປິ່ນປົວດີແລ້ວ 102.064 ກໍລະນີ. ຕອນທ້າຍຂອງການຖະ ແຫຼງຂ່າວ, ທ່ານຮອງລັດຖະ ມົນຕີຍັງໄດ້ຮຽກຮ້ອງໃຫ້ປະຊາ ຊົນບໍ່ໃຫ້ແຕກຕື່ນ ພ້ອມຊອກ ຮູ້ວິທີການປ້ອງກັນຕົວເອງຈາກ ພະຍາດດັ່ງກ່າວ ຕາມທີ່ພາກ ສ່ວນກ່ຽວຂ້ອງໄດ້ເຜີຍແຜ່ໄປ ພ້ອມກັນນັ້ນ ທ່ານຍັງຍໍ້າອີກວ່າ ພັກ-ລັດກໍຄືຄະນະສະເພາະກິດ ແລະ ທຸກພາກສ່ວນກ່ຽວຂ້ອງ ໄດ້ພ້ອມກັນສຸມກຳລັງ ເພື່ອ ຄວບຄຸມການລະບາດຂອງພະ ຍາດໂຄວິດ-19 ຢ່າງເອົາຈິງເອົາຈັງ ແລະ ຈະປິ່ນປົ່ວຜູ້ຕິດເຊື້ອທັງ 2 ກໍລະນີນີ້ໃຫ້ເຊົາດີ ໂດຍໄວ.

Medialaos MMD

ລັດຖະມົນຕີ ກະຊວງ ຖວທ ມອບ-ຮັບ ໃບຢັ້ງຢືນໜ່ວຍພັກ ແລະ ປະກາດການຈັດຕັ້ງຂັ້ນ ຮອງລັດຖະມົນຕີ

ອົງຄະນະພັກກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດພິທີ ມອບ-ຮັບ ໃບຢັ້ງຢືນໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2019 ພ້ອມປະກາດການຈັດຕັ້ງຂັ້ນຮອງລັດຖະມົນຕີຜູ້ໃໝ່ ຂຶ້ນໃນວັນທີ 20 ມີນາ 2020 ຜ່ານມາ, ທີ່ຫໍວັດທະນະທຳແຫ່ງຊາດ. ພາຍໃຕ້ການເປັນປະທານຂອງ ທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ ລັດຖະມົນຕີກະຊວງ ຖວທ ໂດຍມີຄະນະປະຈຳພັກ, ຄະນະພັກ, ເລຂາພັກຮາກຖານ ແລະ ແຂກຖືກເຊີນເຂົ້າຮ່ວມ.

ໃນກອງປະຊຸມ ສະຫາຍ ຂັນແກ້ວ ພົມມະໄກສອນ ຄະນະປະຈຳພັກກະຊວງ, ຫົວໜ້າກົມຈັດຕັ້ງພະນັກງານ ໄດ້ລາຍງານວ່າ: ທົ່ວກະຊວງ ຖວທ ມີໜ່ວຍພັກທັງໝົດ 45 ໜ່ວຍພັກ, ຜ່ານການກວດກາໜ່ວຍພັກປະຈຳປີ 2019 ມີ 27 ໜ່ວຍພັກທີ່ໄດ້ມາດຖານໜ່ວຍພັກ ປອດໃສ, ເຂັ້ມແຂງ, ໜັກແໜ້ນ ປະຈຳປີ 2019, ໃນພິທີຍັງໄດ້ປະກາດການແຕ່ງຕັ້ງສະຫາຍ ວັນສີ ກົວມົວ ເປັນຮອງລັດຖະມົນຕີ ກະຊວງ ຖວທ ຜູ້ໃໝ່.

ພ້ອມດຽວກັນນັ້ນ, ທ່ານລັດຖະມົນຕີ ຍັງໄດ້ຊີ້ນຳໃຫ້ 5 ວຽກສຳຄັນໃຫ້ແກ່ຄະນະພັກ, ສະມາຊິກພັກ ແລະ ພະນັກງານທຸກຂັ້ນຕ້ອງໄດ້ນຳໄປຈັດຕັ້ງຜັນຂະຫຍາຍເຮັດໃຫ້ສຳເລັດໃນຕໍ່ໜ້າ ຊຶ່ງລວມມີ:

ໜຶ່ງ: ເອົາໃຈໃນການປ້ອງກັນພະຍາດໂຄວິດ ໂດຍສະເພາະແມ່ນ ເອົາໃຈໃສ່ປະຕິບັດຕາມໜັງສືແຈ້ງການຂອງຄະນະສະເພາະກິດປ້ອງກັນ; ຄວບຄຸມ ແລະ ແກ້ໄຂການລະບາດໂຄວິດ-19 ຢ່າງເຄັ່ງຄັດ,

ສອງ: ປະຕິບັດຕາມແຈ້ງການຂອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ ວ່າດ້ວຍທິດຊີ້ນຳກ່ຽວກັບການສະເຫຼີມສະຫຼອງປີໃໝ່ລາວ ປະຈຳປີ ພສ 2563 ຢ່າງເຄັ່ງຄັດ ຈັດຕັ້ງການເວນຍາມປະຈຳຢູ່ແຕ່ລະຂົງເຂດວຽກງານໃຫ້ມີຄວາມສະຫງົບເປັນລະບຽບຮຽບຮອຍ,

ສາມ: ເຂົ້າຮ່ວມ ແລະ ເປັນເຈົ້າການໃນການສະເຫຼີມສະຫຼອງວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 65 ປີ ຕາມບົດແນະນຳຂອງຫົວໜ້າຄະນະຮັບຜິດຊອບຊີ້ນຳລະດັບຊາດ, ສະເຫຼີມສະຫຼອງວັນປະຫວັດສາດປີ 2020,

ສີ່: ຈັດຕັ້ງຜັນຂະຫຍາຍຜົນຂອງກອງປະຊຸມໜ່ວຍພັກ ແລະ ກຽມຄວາມພ້ອມກ້າວເຂົ້າສູ່ກອງປະຊຸມໃຫຍ່ອົງຄະນະພັກກະຊວງ ຖວທ ຄັ້ງທີ V ດ້ວຍຜົນສຳເລັດ,

ຫ້າ: ຕັ້ງໜ້າເຮັດໜ້າທີ່ການເມືອງໃຫ້ມີຜົນສຳເລັດ, ປະຕິບັດຕາມແຜນການກຳນົດໄວ້ ຕິດພັນກັບການປັບປຸງການຈັດຕັ້ງໃຫ້ແໜ້ນແຟ້ນ.

ໂອກາດນີ້, ທ່ານ ລັດຖະມົນຕີ ກະຊວງ ຖວທ ໄດ້ຮຽກຮ້ອງມາຍັງພະນັກງານ, ສະມາຊິກພັກ ຈົ່ງເຮັດໜ້າທີ່ການເມືອງຂອງຕົນດ້ວຍຜົນສຳເລັດທຸກປະການ.

Medialaos MMD

ຖວທ ຝຶກອົບຮົມ ແລະ ພັດທະນາ ພະນັກງານ-ລັດຖະກອນ ຢ່າງເປັນປົກກະຕິ

ໃນວັນທີ 11 ມີນາ 2020 ທີ່ກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ (ຖວໄດ້ມີກອງປະຊຸມຕິດຕາມກວດກາ ແລະ ລົງສຳຫລວດຄຳຄິດຄຳເຫັນ ໃນການຈັດຕັ້ງປະຕິບັດ ດຳລັດ ວ່າດ້ວຍການປະເມີນຜົນ ການປະຕິບັດວຽກງານ ແລະ ດຳລັດການຝຶກອົບຮົມ ແລະ ພັດທະນາພະນັກງານ-ລັດຖະກອນຂັ້ນສູນກາງ ໂດຍການເປັນປະທານຮ່ວມຂອງ ທ່ານ ນາງ ຂັນທະລີ ພົນຢ້ຽມ ຮອງຫົວໜ້າກົມຈັດຕັ້ງພະນັກງານ ກະຊວງ  ແລະ ທ່ານ ນາງ ຄຳສະຫງຽມ ຣາດຊະພົງ ຮອງຫົວໜ້າກົມປະເມີນຜົນ ແລະ ພັດທະນາລັດຖະກອນ ກະຊວງພາຍໃນ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.

ໃນໂອກາດດັ່ງກ່າວທ່ານ ນາງ ຂັນທະລີ ພົນຢ້ຽມ ໄດ້ກ່າວວ່າ: ສຳລັບການປະເມີນຜົນການປະຕິບັດວຽກງານ ຂອງພະນັກງານ-ລັດຖະກອນ ໃນໄລຍະຜ່ານມາ ຂອງກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ ແມ່ນໄດ້ຈັດຕັ້ງປະຕິບັດ ການປະເມີນຜົນ ການປະຕິບັດວຽກງານ ຂອງພະນັກງານ-ລັດຖະກອນ ຕາມປົກກະຕິຕາມບົດແນະນຳ ເລກທີ 01/ ລົງວັນທີ 22 ກັນຍາ 2005 ກ່ຽວກັບການປະເມີນຜົນ ການປະຕິບັດວຽກງານ ຂອງລັດຖະກອນ ແຫ່ງ  ລາວແຕ່ຖ້າອີງໃສ່ສະພາບຄວາມເປັນຈິງ ຂອງການເຕີບໂຕ ແລະ ຂະຫຍາຍຕົວຂອງວຽກງານ ເຊິ່ງມີການປັບປຸງ ແລະ ພັດທະນາຂຶ້ນເລື້ອຍໆ ເຫັນວ່າເນື້ອໃນມາດຖານ ແລະ ເງື່ອນໄຂ ທີ່ເປັນຕົວຊີ້ບອກໃຫ້ແກ່ ການປະເມີນຜ່ານມາ ຍັງບໍ່ທັນແທດເໝາະ ກັບຄວາມເປັນຈິງ.

ສຳລັບວຽກງານການຝຶກອົບຮົມ ແລະ ພັດທະນາພະນັກງານ-ລັດຖະກອນ ແມ່ນໄດ້ຈັດຕັ້ງເປັນປົກກະຕິຕໍ່ເນື່ອງ ໂດຍຖືເອົາຫົວຂໍ້ ຈັດຝຶກອົບຮົມຂອງແຕ່ລະຂົງເຂດວຽກງານ ແລະ ການແຈ້ງທຶນຈາກພາກສ່ວນອົງການຈັດຕັ້ງຕ່າງໆ ທັງພາຍໃນ ແລະ ຕ່າງປະເທດ ໂດຍອີງໃສ່ແຜນກໍ່ສ້າງໃນແຕ່ລະປີ ແລະ ຕາມແຜນກຳນົດພະນັກງານ ນຳພາຄຸ້ມຄອງເຊິ່ງທົ່ວຂະແໜງຖະແຫລງຂ່າວວັດທະນະທຳ ແລະ ທ່ອງທ່ຽວ ມີພະນັກງານ-ລັດຖະກອນທັງໝົດ 4.607 ຄົນຍິງ 1.841 ຄົນ (ສູນກາງ 1.501 ຄົນ, ຍິງ 635 ຄົນ).

Medialaos MMD

 

ທ່ານ ຮອງລັດຖະມົນຕີ ກະຊວງຖວທ ຊຸກຍູ້ວຽກງານຢູ່ເມືອງຄູນຄຳ

ໃນວັນທີ 7/3/2020 ທີ່ຜ່ານມານີ້ ໂອກາດຢ້ຽມຢາມສະຖານີວິທະຍຸແຫ່ງໃໝ່ ຂອງເມືອງຄູນຄຳ ແຂວງຄຳມ່ວນ ທີ່ໄດ້ຮັບການຊ່ວຍເຫຼືອຈາກບໍລິສັດນໍ້າເທີນພາວເວີ ຈຳກັດ ທີ່ສະໜອງງົບປະມານໃນການສ້າງສະຖານີວິທະຍຸ FM.1000 W ກະຈາຍໃນຄື້ນຄວາມຖີ່ 97,7 MHz.

ທ່ານ ສະຫັວນຄອນ ຣາຊະມຸນຕີ ໄດ້ໂອ້ລົມ ແລະ ໃຫ້ທິດຊີ້ນຳແກ່ບັນນາທິການ ແລະ ພະນັກງານຫ້ອງການຖະແຫຼງຂ່່າວ, ວັດທະນະທຳ ແລະ ທ່ອງທ່ຽວ ໂດຍສະເພາະພະນັກງານທີ່ປະຈຳການຢູ່ສະຖານີດັ່ງກ່າວໃຫ້ເອົາໃຈໃສ່ນຳໃຊ້ສະຖານີວິທະຍຸດັ່ງກ່າວໃຫ້ມີປະສິດທິຜົນ ເປັນຕົ້ນແມ່ນການປະກອບສ່ວນໂຄສະນາຊຸກຍູ້ວຽກງານພັດທະນາເສດຖະກິດສັງຄົມແບບຍືນຍົງ ໂດຍສະເພາະແມ່ນວຽກງານສົ່ງເສີມການທ່ອງທ່ຽວ ທີ່ເປັນທ່າແຮງໃນການສ້າງລາຍຮັບຂອງແຂວງເວົ້າລວມ, ເວົ້າສະເພາະແມ່ນຂອງເມືອງດັ່ງກ່າວ, ພ້ອມດຽວກັນນີ້ ທ່ານກໍ່ຍັງໄດ້ເນັ້ນໃຫ້ເອົາໃຈໃສ່ເພີ່ມທະວີການໂຄສະນາໃຫ້ແກ່ວັນສຳຄັນປະຫັວດສາດຂອງພັກ-ຂອງຊາດ ໃນປີ 2020 ໂດຍສະເພາະແມ່ນວັນສ້າງຕັ້ງພັກ ປປລາວ ຄົບຮອບ 65 ປີ ທີ່ຈະມາເຖີງນີ້.

Medialaos MMD

ຮອງລມຕ ກະຊວງຖວທລົງຢ້ຽມຢາມຈຸດກວດກາຄົນເຂົ້າ-ອອກເມືອງຢູ່ຊາຍແດນດ່ານສາກົນລະໄລ ເມືອງສະໝ້ວຍ

ໃນໂອກາດເຄື່ອນໄຫວຢູ່ ເມືອງສະໝ້ວຍ ແຂວງສາລະວັນ ໃນຕົ້ນເດືອນມີນາ 2020 ທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ທັງເປັນຄະນະສະເພາະກິດເພື່ອປ້ອງກັນຄວບຄຸມ ໂຄວິດ-19 ໄດ້ລົງຢ້ຽມຢາມຈຸດກວດກາຄົນເຂົ້າ-ອອກເມືອງຢູ່ຊາຍແດນດ່ານສາກົນລະໄລ ເມືອງສະໝ້ວຍ ແຂວງສາລະວັນ ແລະ ຈຸດກວດກາ ຂອງໜ່ວຍແພດປະຈຳດ່ານ. ທ່ານ ໄດ້ສະແດງຄວາມຊົມເຊີຍ ແລະ ຊຸກຍູ້ການປະຕິບັດໜ້າທີ່ດ້ວຍຄວາມຮັບຜິດຊອບສູງ ຂອງໜ່ວຍແພດປະຈຳການຢູ່ໂຮງໝໍນ້ອຍ ອາຕຸກ.


Medialaos MMD

 

ຢືນຢັນລາວຍັງບໍ່ມີຜູ້ຕິດພະຍາດ ໂຄວິດ-19

ກະຊວງສາທາລະນະສຸກ ໄດ້ອອກມາແຈ້ງຂ່າວເພື່ອສະແດງຄວາມເປັນຫ່ວງເປັນໄຍຕໍ່ປະຊາຊົນລາວ ກ່ຽວກັບພະຍາດອັກເສບປອດໄວຣັດສາຍພັນໃໝ່ ຫຼື ໂຄວິດ -19 ໃນວັນທີ 26 ກຸມພານີ້ ທີ່ກະຊວງດັ່ງກ່າວ, ທ່ານ ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ແລະ ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ອອກມາແຈ້ງຂ່າວກ່ຽວກັບພະຍາດອັກເສບປອດໄວຣັດສາຍພັນໃໝ່ ຫຼື ໂຄວິດ -19 ຂ້າພະເຈົ້າ ຂໍໃຫ້ຂໍ້ມູນຕື່ມໃນວັນທີ 25 ກຸມພາຜ່ານມາ ສະພາບພະຍາດອັກເສບປອດໄວຣັດສາຍ ພັນໃໝ່ ຫຼື ໂຄວິດ -19 ສະເພາະຢູ່ ສປ ຈີນ ມີທ່ວງທ່າຫຼຸດຜ່ອນລົງສັງລວມແລ້ວສາມາດຄວບຄຸມສະຖານະການໄດ້  ຊຶ່ງໂຕເລກຫຼ້າສຸດຮອດວັນທີ 25 ກຸມພາ ມີຜູ້ຕິດເຊື້ອກໍລະນີໃໝ່ ລວມທັງໝົດແມ່ນ 78.064 ກໍລະນີ, ກໍລະນີໃໝ່ 406 ຄົນ, ກໍລະນີເສຍຊີວິດມາຮອດປັດ ຈຸບັນ 2.715 ກໍລະນີ ຫຼຸດລົງຈາກມື້ຜ່ານມາ, ໂຕເລກມີການປ່ຽນແປງໄປແຕ່ລະຊົ່ວໂມງ, ສະເພາະບັນຫາໃໝ່ທີ່ເກີດຂຶ້ນ ຊຶ່ງພວກເຮົາຈະຕ້ອງໄດ້ເອົາໃຈໃສ່ແມ່ນຢູ່ສາທາລະນະລັດເກົາຫຼີ ກໍລະນີການຕິດເຊື້ອຢູ່ເມືອງແດກູ ແມ່ນໄດ້ເພີ່ມຂຶ້ນຢ່າງໄວເຊື້ອພະຍາດໂຄວິດ -19 ມີການແຜ່ຂະຫຍາຍຕົວໄວເປັນວົງກວ້າງ ມາຮອດປັດ ຈຸບັນຂໍ້ມູນຫຼ້າສຸດມີເຖິງ 977 ກໍລະນີ, ເສຍຊີວິດແລ້ວ 10 ກໍລະນີ. ນອກຈາກນັ້ນ, ຢູ່ໃນເຂດຢູໂຣບ ເປັນຕົ້ນປະເທດ ອີຕາລີ ມີອັດຕາການຕິດເຊື້ອມີເຖິງ 322 ກໍລະນີ, ເສຍຊີວິດ 10 ກໍລະນີ ໂດຍລວມແລ້ວ ພະຍາດໄດ້ແຜ່ຂະຫຍາຍ.   ນອກຈາກຢູ່ ສປ ຈີນ ຍັງຂະ ຫຍາຍໄປປະເທດອື່ນໆ ໃນທົ່ວໂລກກວມ ເອົາ 37 ປະເທດ.

ສະນັ້ນ, ດ້ວຍຄວາມເປັນ ຫ່ວງເປັນໄຍຂອງພັກ-ລັດຖະ ບານ ຢູ່ ສປປ ລາວ ເຖິງວ່າບໍ່ທັນມີກໍລະນີພົບຄົນຕິດເຊື້ອດັ່ງກ່າວ,  ມີກໍລະນີສົງໄສທັງໝົດ 43 ກໍລະນີ ພວກເຮົາໄດ້ເກັບຕົວຢ່າງໄປກວດທັງ 43 ກໍລະນີເຫັນວ່າບໍ່ພົບເຊື້ອ ຂໍຢືນຢັນອີກເທື່ອໜຶ່ງວ່າພວກເຮົາບໍ່ພົບເຊື້ອຢູ່ໃນ ສປປ ລາວ ຕໍ່ສະພາບການດັ່ງກ່າວພວກ ເຮົາກໍ່ໄດ້ເອົາໃຈໃສ່ຕິດຕາມ ເຝົ້າລະວັງຢ່າງເຂັ້ມງວດ, ເຖິງວ່າ ສປປ ລາວ ພວກເຮົາບໍ່ມີຜູ້ ຕິດເຊື້ອກໍ່ຕາມທາງກະຊວງ ສາທາລະນະສຸກ ກໍໄດ້ເອົາໃຈ ໃສ່ຕິດຕາມຢ່າງເຄັ່ງຄັດທີ່ສຸດ ໂດຍມີມາດຕະການເຂັ້ມງວດ ໃນການເຝົ້າລະວັງ ຊຶ່ງໄດ້ສະເໜີໃຫ້ປະເທດທີ່ມີການລະບາດກ່ອນທີ່ຈະເດີນທາງເຂົ້າມາ ສປປ ລາວ ໃຫ້ມີການກວດເຊັກ, ສະແກນ, ກວດອຸນຫະພູມໃຫ້ປະຕິບັດຢ່າງເຂັ້ມງວດຕາມມາດຕະຖານສາກົນ, ດັ່ງນັ້ນ ດ້ວຍຄວາມເອົາໃຈໃສ່ ແລະ  ພະຍາຍາມມາຮອດປັດ ຈຸບັນຢືນຢັນວ່າ ສປປ ລາວ ຍັງບໍ່ທັນມີຜູ້ຕິດເຊື້ອ.

ນອກຈາກນັ້ນ, ພວກເຮົາຍັງໄດ້ເຮັດແຈ້ງການຂອງຄະນະສະເພາະກິດເຖິງໂຮງຈັກ, ໂຮງງານ, ເຂດການລົງທຶນໃຫຍ່ແຕ່ລະບ່ອນທີ່ມີກຳມະກອນແຮງງານຈາກ ສປ ຈີນ ແຈ້ງການໃຫ້ເອົາໃຈໃສ່ຕິດຕາມອຸນຫະພູມຂອງພະ ນັກງານ-ກຳມະກອນຂອງຕົນເອງ, ປະກອບເຄື່ອງອຸປະກອນວິເຄາະຫາເຊື້ອໃຫ້ແຂວງທີ່ມີຜູ້ເດີນທາງທີ່ມີການລະບາດຫຼາຍ, ໂຄສະນາເຜີຍແຜ່ໃຫ້ມວນຊົນຮັບຊາບເຖິງຄວາມອັນຕະລາຍ, ວິທີປ້ອງກັນຕົນເອງ ແລະ ມາດຕະການຕ່າງ ໆໃຫ້ຮັບຮູ້ຂໍ້ມູນຂ່າວສານເພື່ອປ້ອງກັນຕອບໂຕ້ພະຍາດໂຄວິດ -19, ສຳລັບບໍລິສັດທ່ອງທ່ຽວ ແລະ ສາຍການບິນ ໄດ້ອອກແຈ້ງການໃຫ້ເລື່ອນໃນການເດີນທາງໄປເຂດທີ່ມີຄວາມສ່ຽງການລະບາດໃນໄລຍະນີ້.

Medialaos MMD

ກອງປະຊຸມໃຫຍ່ ຄັ້ງທີ III ໜ່ວຍພັກກົມກວດກາ ກະຊວງ ຖວທ

ກົມກວດກາ ກະຊວງຖະແຫຼງ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມ ໃຫຍ່ຄັ້ງທີ III ຂອງໜ່ວຍພັກກົມກວດກາ  ຂຶ້ນໃນວັນທີ  26  ກຸມພານີ້ ທີ່ກະຊວງດັ່ງກ່າວໂດຍພາຍໃຕ້ ການເປັນປະທານ ຂອງສະຫາຍ ກິແກ້ວ ໄຂຄໍາພິທູນ ເລຂາຄະນະພັກ  ລັດຖະມົນຕີກະຊວງ ຖວທ, ມີໜ່ວຍພັກກວດກາ  ແລະ ຄະນະພັກກວດກາຮາກຖານເຂົ້າຮ່ວມ.

ໃນກອງປະຊຸມ ສະຫາຍ ນາງ  ສຸພະລັກ ທິລະວົງ ປະທານກວດກາ   ຄະນະພັກ  ຫົວໜ້າກົມກວດກາ ກະຊວງ ຖວທ ໄດ້ຜ່ານບົດສະຫຼຸບການເຄື່ອນໄຫວຊີ້ນໍາ-ນໍາພາວຽກງານ ຂອງຄະນະໜ່ວຍພັກໃນໄລຍະຜ່ານມາ(2016-2020) ແລະ ທິດທາງແຜນການຕໍ່ໜ້າ (2020-2025) ປັດຈຸບັນໜ່ວຍພັກກົມກວດກາມີສະມາຊິກພັກທັງໝົດ 15 ສະຫາຍ, ຍິງ  7 ສະຫາຍ, ເພີ່ມຂຶ້ນ 4 ສະຫາຍ, ຍິງ 1 ສະຫາຍ; ໃນນັ້ນສະມາຊິກພັກອາວຸໂສບໍານານ 2 ສະຫາຍ ຍິງ 1 ສະຫາຍ. ໜ່ວຍພັກກົມກວດກາໄດ້ຖືວຽກງານສຶກສາອົບຮົມການເມືອງ-ແນວຄິດ ສະມາຊິກພັກ, ພະ ນັກງານ-ລັດຖະກອນ ພາຍໃນກົມເປັນຕົ້ນຕໍ; ໜ່ວຍພັກກົມກວດກາໄດ້ປັບປຸງການກໍ່ສ້າງພັກ ແລະ ຂະຫຍາຍຕາມກົດລະບຽບພັກ; ສ້າງໜ່ວຍພັກ, ສະມາຊິກພັກໃຫ້ປອດໃສ ເຂັ້ມແຂງ ໜັກແໜ້ນທາງ ດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນວິທີນໍາພາ. ພ້ອມນັ້ນ, ໃນກອງປະຊຸມໄດ້ປ່ອນບັດເລືອກເອົາຄະນະພັກຊຸດໃໝ່ ໂດຍມີຜູ້ສະໝັກ 5 ສະຫາຍ ເລືອກເອົາ 3 ສະຫາຍ; ເລືອກໄດ້ ສະຫາຍ ນາງ ບົວມະນີ ໄຊທິລາດ ເປັນເລຂາໜ່ວຍພັກ, ສະຫາຍ ລໍາທອງ ແກ້ວມະຫານິນ ຮອງເລຂາໜ່ວຍພັກ ແລະ ສະຫາຍ ຫຼຽນຄໍາ ບົວລະວົງ ເປັນຄະນະ; 

ໃນໂອກາດດັ່ງກ່າວ ສະຫາຍ ກິແກ້ວ ໄຂຄໍາພິທູນ ໄດ້ໃຫ້ກຽດໂອ້ລົມຕໍ່ກອງປະຊຸມ ແລະ ຍ້ອງຍໍຊົມເຊີຍຜົນງານທີ່ຜ່ານມາ ສະແດງເຖິງຄວາມຮັບຜິດຊອບໃນການຊີ້ນໍາ-ນໍາພາ  ແລະ  ຄວາມເອົາໃຈໃສ່ຂອງ ຄະນະໜ່ວຍພັກ, ສະມາຊິກພັກໃນການປະຕິບັດພາລະບົດບາດ, ໜ້າທີ່, ສິດຄວາມຮັບ ຜິດຊອບຂອງຄະນະໜ່ວຍພັກ, ສະມາຊິກພັກທີ່ເປັນຫົວຈັກຫຼັກແຫຼ່ງໃນການນໍາພາຈັດຕັ້ງ ປະຕິບັດໜ້າທີ່ການເມືອງທີ່ພັກ-ລັດ ມອບໝາຍກໍຄື:  ວຽກງານຕິດຕາມ, ກວດກາພັກ, ລັດ, ຕ້ານ ແລະ ສະກັດກັ້ນ ການສໍ້ລາດບັງຫຼວງພາຍ ໃນກະຊວງ ຖວທ ແລະ ທ່ານໄດ້ ເນັ້ນໃຫ້ຄະນະໜ່ວຍພັກຊຸດ ໃໝ່ຈົ່ງພ້ອມກັນສືບຕໍ່ປະຕິບັດບາງບັນຫາສຳຄັນເປັນ ຕົ້ນແມ່ນໃຫ້ສືບຕໍ່ຄົ້ນຄວ້າ, ເຊື່ອມຊຶມ, ກໍາແໜ້ນ ແລະ ຈັດຕັ້ງປະຕິບັດບັນດາມະຕິ ກອງປະຊຸມຄົບຄະນະບໍລິຫານ ງານສູນກາງພັກ, ເນື້ອໃນກອງປະຊຸມກວດກາທົ່ວປະເທດ; ບັນດາມະຕິ, ຄໍາສັ່ງ, ຂໍ້ກໍານົດຕ່າງໆຂອງພັກ, ກົດໝາຍ ແລະ ລະບຽບການຕ່າງໆ ຂອງລັດ ເວົ້າ ລວມ ໂດຍສະເພາະມະຕິ, ຄໍາສັ່ງ ແລະ ນິຕິກໍາຕ່າງໆກ່ຽວກັບວຽກງານຕິດຕາມກວດກາ, ການສະກັດກັ້ນ ແລະ ຕ້ານການສໍ້ລາດບັງຫຼວງທີ່ເປັນໄພຂົ່ມຂູ່ຕໍ່ສະຖຽນລະພາບຂອງການຈັດຕັ້ງ ກໍຄືປະເທດຊາດຂອງພວກເຮົາ.

Medialaos MMD

ເຜີຍແຜ່ຄວາມຮູ້ກ່ຽວກັບວັກຊິນ ກັນມະເຮັງປາກມົດລູກ

ກະຊວງຖະແຫຼງຂ່າວ,ວັດ ທະນະທໍາ ແລະ ທ່ອງທ່ຽວ (ຖວທ)ຮ່ວມກັບກະຊວງສາທາ ລະນະສຸກ ຈັດກອງປະຊຸມ ເຜີຍແຜ່ຄວາມຮູ້ກ່ຽວກັບວັກ ຊິນກັນມະເຮັງປາກມົດລູກ ຂຶ້ນ ໃນວັນທີ25 ກຸມພານີ້ທີ່ຫໍວັດ ທະນະທໍາແຫ່ງຊາດ ໂດຍໄດ້ ຮັບການສະໜັບສະໜູນຈາກ ອົງການອຸຍນີເຊັບ (Unicef) ໂດຍການເປັນປະທານຂອງ ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖວທ;

ອ່ານເພີ່ມເຕີມ...